梁祖堯揭MIRROR二子最難「調教」:姜濤本身已經好紅!

撰文:
最後更新日期:

人氣炙手可熱的MIRROR 12子,周一(12日)拍畢《調教你MIRROR》,梁祖堯隨即上載合照指這是一趟充滿愛的旅程:「加油,兄弟們!我會和你們一直同行!好開心認識你地,多謝你哋嘅信任和愛。」而經過這些天的日以繼夜的相處,12子亦變得更團結。在《ViuTV5周年:繼續向前》當天,12子拍了一半暫時出Camp,MIRROR的經理人花姐(黃慧君)亦感覺到幾天之間成員的不同指:「佢哋互相照顧多咗,以前做訪問大家會覺得唔係自己講嘢就唔關事,佢哋可能一齊生活完,更加了解對方,就死都要黐住,佢哋長大唔再黐我都幾呷醋。」

梁祖堯預期的另一位最難調教的成員是人氣王姜濤。(梁碧玲攝)

作為「調教師」的梁祖堯,問起12子中誰最難調教,他就說:「一開始我覺得最難嘅會係Ian(陳卓賢),始終佢比較Cool同抽離。」不過Ian的開心見誠令他喜出望外:「Ian真係肯同我哋傾偈,我想像唔到佢會流出真實嘅眼淚,我冇諗過佢會喊,或者呢種男仔會喺大家面前喊。」花姐同樣對Ian落下男兒淚感到驚訝:「我收到呢張相嘅時候,完全估唔到係Ian,我好開心佢可以交真心出嚟!」

點擊圖輯睇MIRROR當日型格相:

+14
+14
+14

梁祖堯預期的另一位最難調教的成員是人氣王姜濤:「因為姜濤本身已經好紅,又好有思想,冇乜需要調教佢,我亦都唔知佢會有幾信任我,平時喺化妝間撞到佢都好客氣『祖堯老師您好』,我心諗老咩師我都冇教過你。」作為與姜濤相處最密的經理人花姐亦直指姜濤不易與人交心:「好似有道門咁。」不過梁祖堯笑指破冰的過程比他想象容易和快捷:「原來我只要肯同姜濤猜15、20就OK,但佢又唔係飲酒,純粹係玩輸咗俾佢彈額頭,我冇見過呢個咁開心嘅佢!」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。