逆天奇案|林子超唔演奸角跌Watt? 獨白戲被批太過火:下咗苦功

撰文:董欣琪
出版:更新:

TVB劇集《逆天奇案》單元故事「預謀謀殺」雖然只有短短兩集就結束,但查案過程一樣精彩,當中以校園欺凌為主題引來不少人反思,而彭國忠(洪卓立飾)的遭遇更令人不勝唏噓。在昨晚(18日)播出的一集中,彭國忠被揭發預謀殺人後,情緒終於爆發,而洪卓立在演繹這一幕時雙眼通紅,最後默默流淚,不少觀眾都大讚他表情到位,令人刮目相看!而飾演寡佬的林子超(Andy)在問話時咄咄逼人,但最後講出自己曾欺凌同學的一段獨白戲同樣討論度十足!

飾演彭國忠的洪卓立在演繹時雙眼通紅,最後默默流淚,不少觀眾都大讚他表情到位。(YouTube影片截圖)
寡佬(林子超飾)咬實彭國忠唔放!(YouTube影片截圖)

劇中寡佬(林子超飾)堅信彭國忠是因為曾被欺凌,所以早有預謀要報仇,最後殺死三位中學同學,期間咬實彭國忠不放,終於查出真相,Andy在接受《香港01》訪問時亦有剖白感受:「我其實同情阿忠俾人欺凌,但我矛盾嘅位係因為我係一個執法人員,我有責任令佢繩之於法,我知道佢好慘,但同時佢亦需要面對法律嘅制裁,因為佢真係殺咗人,而我嘅心結係當我知道錯嘅時候連講句對唔住嘅機會都冇。最尾嗰段獨白係我下咗最大嘅苦功,因為要由敘述一個事情,到逐步建立一個情緒,甚至雙眼通紅、去喊,內心個歷程係好大,咁我就要不斷去諗人生好內疚嘅事情,令到自己投入角色,講到嗰段對白而唔奇怪,亦都係我今次呢套劇最大嘅挑戰。」

Andy透露為了這段獨白戲下了不少苦功。(影片截圖)

點擊下圖重溫:

+27

Andy曾在劇集《法證先鋒IV》中飾演弒父兇手,既演活了兇手內心的矛盾,又表達到孝順仔與兇手心理之間的反差,而他在《宮心計2深宮計》中同樣飾演心狠手辣的角色太醫仔陳茗風,不但欺師滅祖送文太醫(袁文傑飾)上絕路,更為皇后(胡定欣飾)做盡壞事!Andy兩次飾演奸角都因演技精湛而備受讚賞,但今次飾演寡佬就被批太過火,對此他就解釋道:「冇可能所有人都喜歡你嘅演出,但我就好畀心機去做好每一個角色,我覺得有人談論已經係一件好好嘅事,證明咗佢哋有睇。(演奸角發揮空間大啲?)好多時觀眾睇到奸角嘅起承轉合幅度會大啲,容易去掌握,但演忠嘅時候內心戲都要鋪排,譬如我今次做執法人員同過去嘅角色唔同,我都要下苦功令到出嚟嘅效果舒服,所以我又覺得冇乜太大分別。」

Andy曾在《宮心計2深宮計》中飾演心狠手辣的太醫仔陳茗風,令人留下深刻印象。(電視截圖)

重溫過往演出:

+22

皮膚白淨,身形又大隻的Andy笑容陽光,更有網民封他做港版許光漢,不過他就謙稱不敢當:「之前《想見你》(播出)嘅時候呢,啲人都有話似,但我唔敢認呀,我驚我認咗之後會俾人打,所以我而家剪短咗頭髮,我而家覺得自己似陳小春多啲。夏天我想有個新嘅形象改變下,剪短晒頭髮又曬黑,好似陽光啲!」

有網民指Andy同台灣男星許光漢外形相似。(IG@kuanghanhsu)
+29
發表評論...