大叔的愛︱練美娟自帶喜感獲激讚 劇中喪食增磅4kg:為藝術犧牲

撰文:葉詩
出版:更新:

由MIRROR成員Edan(呂爵安)、Anson Lo(盧瀚霆)及黃德斌主演的ViuTV劇集《大叔的愛》憑劇情搞笑有趣獲一致好評,BL情節更掀起全城哄動,有指周一(28日)播出的首集收視達8.7點!除了三大主演演技自然獲讚,飾演辦公室行政助理的賴嘉雯(Carman)一角的練美娟(娟姐)同樣被觀眾激讚夠放兼有喜感,劇中的Carman非常饞嘴、事無大小均十分八卦,是為辦公室內必有人設的縮影,娟姐卻處理得甚為討喜:「真係好似Office入面果啲為食同事」、「咬雞髀有半分鐘發揮,佢都幾有喜感」,娟姐更因此被網民封為「宇宙第一」!

娟姐被觀眾激讚夠放兼有喜感,被網民封為「宇宙第一」!(IG/@linkuen13)

娟姐在接受《香港01》訪問時率先多謝大家喜歡Carman,不過近來正忙於拍攝其他節目:「未有時間去回應或者去感受大家嘅反應;不過套劇多人討論,我作為參與其中嘅演員,都覺得好榮幸。」娟姐一直在節目中展現率直、不計形象的一面,談起有觀眾認為她其實是「本色出演」,她就笑言大家對她的了解不夠深:「好多人誤會咗我係咪做番自己,就等於Carman姐呢?其實都唔係嘅,大家對我真係太唔了解啦,哈哈。」娟姐坦言演技自然要歸功於之前的經歷:「我自己之前做過Office工,大概都知道辦公室八婆嘅一個款係點樣,所以可能會比較演繹得傳神啲。點知效果出嚟之後,大家都普遍鍾意,我真係好開心。」

點擊圖輯睇娟姐在《大叔的愛》中精彩表現!

+21

至於劇中角色Carman無時無刻都在吃,娟姐直指體重增加了3、4公斤:「為藝術犧牲啊!因為我真係唔識點樣扮食嘢,就唯有真咬同真吞。好記得拍到尾聲,大家都話我無論身形或者面形都唔連戲!」不過最崩潰的並不是女藝人要維持身形的問題,而是心靈上的差距「跌宕」:「另一個難處係情緒上嘅變化,好記得當時係同時拍緊《造美人》,例如今日開完劇,第二日拍返真人騷,我心情仲未調節到;尋日先一路拍劇、一路瘋狂怒食,今日又要鞭策班女仔一齊操Gym同節食,諗起都覺得自己人格分裂!」

點擊圖輯睇娟姐靚相!

+29

現年31歲的娟姐加入ViuTV短短4年,雖然有過長達半年沒有工作的低潮期,近年就密密接主持工作,2020年至今擔任主持的節目最少已經7個,現今還踩入電視劇界、演技獲觀眾好評,問及是否覺得自己演藝事業正穩步上揚,她就指要以強尼為目標:「好多謝ViuTV畀咁多機會我,亦感激《大叔的愛》導演、監製對我嘅信任;以往做咗幾年主持,今年難得有機會拍劇,希望嚟緊有機會唱埋歌啦,我要向全能強尼呢個目標進發!」

大叔的愛︱呂爵安勇曬修女Look走光片 零偶像包袱連張敬軒都嗌正

+23