刑偵日記|楊潮凱傅嘉莉曾譜寫愛情故事 兩人各自騷出完美身段

撰文:黃梓恒
出版:更新:

《刑偵日記》去到22集,其實兇手都出得七七八八,只欠最後一個只有背面出鏡的兇手,而早已被入獄的傅嘉莉(飾莫希欣)也是幫兇之一,就是她將炸彈草圖交給楊潮凱(飾冼世強)而導致一連串事件。傅嘉莉和楊潮凱雖然在劇中只有一幕短短的戲份,不過其實他們早已埋下合作種子,而且更是淒美的愛情故事!

兩人在劇中同場的戲份不多。(劇集截圖)

《3日2夜》一直都以靚女靚景作賣點,不過兩人合作的這一集就以故事主角相識於異地,然後墜入愛河的愛情故事作為包裝,中間還加插了一些戀愛歌曲以及浪漫對白,有點《天國的階梯》之類的韓劇感覺。雖然《3日2夜》變成浪漫愛情故事就未必人人受落,但就有十足新鮮感。除了傅嘉莉,楊潮凱也會在節目中騷肌,好有可能也吸引一班女性支持者收看。

睇靚女就有傅嘉莉,睇肌肉又可以睇楊潮凱。(IG@kelly_fuu)
+27

講起楊潮凱,2009年經藝員訓練班進入TVB,楊潮凱初期可謂十分拼命,無綫有五個錄影廠拍劇,試過五個廠都有他的通告,什麼茄呢啡角色都做,連續爆了四年騷,他接受《香港01》記者訪問時說:「訓練班出嚟就係咁衝,頭幾年乜都做嘅經驗令我學識好多:睇機位、睇前輩演出,到而家都好受用。」

前年適逢楊潮凱加入TVB十年,經過深思熟慮他決定從經理人合約(親生仔約)改簽基本藝人合約,他說希望到外面闖一闖:「自由度大啲,我都想同多啲唔同嘅單位合作,想見下個世界;亦都因為公司對我好好,所以都留番合作嘅關係。」最近他仍有接拍無綫劇集《刑偵日記》,並與王浩信、惠英紅、姜皓文、袁偉豪、黃智雯等人合作。

👇👇👇即睇楊潮凱靚相👇👇👇

+26

同場加映:香港小姐2021|亞軍靚過冠軍定律係真? 數返近20年又好似有道理

+37
發表評論...