阿女又戀嚟︱鍾慧冰爆拍攝內幕 直指ViuTV「亂咁嚟」:好大衝擊

撰文:葉詩
出版:更新:

ViuTV戀愛真人騷《阿女又戀嚟》請來林靜莉(Jeannie/莉莉菇)、植詠珊(Cathy)、陳詠鈿(Coco)、麥麗怡(Lily)及她們的父母,4名女生會輪流與自己及父母選擇的男生約會,而父母將會以上帝視覺偷窺整個約會過程,觀眾好奇女兒的選擇亦看得津津有味。1979年香港小姐出身的鍾慧冰(冰姐)是Jeannie的媽媽,她坦言是出於愛女心切才答應參與拍攝,然後發現過程相當驚喜,她透露以前女兒談戀愛都不會向自己透露太多細節:「好冇癮,但今次唔止偷窺,好似有份參與咁好興奮,佢哋去Camp我都想去啊!」

鍾慧冰是Jeannie的媽媽,她坦言開初是出於愛女心切才答應參與《阿女又戀嚟》拍攝。(IG/@jeannie_lam_)

冰姐上周五(30日)曾在人生第一次直播中坦承慶幸有參加拍攝:「本來我冇諗過參與,參與咗之後就覺得成個過程好好玩,最令我驚喜嘅係幕後工作人員,今次其實畀我一個好大嘅衝擊!」冰姐續言相處過程令她相當感動:「由我第一日接觸到ViuTV嘅幕後工作人員,我發覺同以前經歷嗰幾十年完全唔同,我從來未見過一隊Crew裡面10個有9個係女性,我好愕然,見到佢哋做道具、拖機、拉燈全部都係女仔,好辛苦,我真係唔太捨得,我第一日就叫佢哋去結婚;我做呢行都好耐喇,未見過咁樣,拍真人騷最多人嗰日我見到有十幾部Cam圍住我,完全感覺到幕後工作人員對自己職業嘅尊重、愛同Passion,令我成個過程都好開心!」

冰姐為剪走不少素材感可惜:「好多朋友都話節奏太快未吸收到,如果有20集就好!」

《阿女又戀嚟》播出後,冰姐挑選給囡囡的暖男Ringo人氣急升,溜冰一幕更令所有觀眾都表示心動不已,至於Ringo與Eddie之間的選擇,冰姐接受訪問時就直言較屬意Ringo:「我都覺得Sweet,佢好暖男、花咗好多心思最感動,溜冰我都幾感動,我後生嗰陣都冇人咁對我;Eddie就性格巨星,唔太適合做男朋友。」至於Jeannie在節目後會否與其中一人繼續交往,冰姐就開明地表示:「交畀佢自己決定啦!」

點擊圖輯睇Jeannie與Ringo的浪漫約會片段!

+23

除了女兒們的約會過程備受觀眾討論,爸爸媽媽們的反應更是令觀眾拍案叫絕,又不時爆出精警金句,談起真人騷是否存在劇本、100%真實一直是觀眾的最大疑問,冰姐直言:「唔只冇劇本仲好神秘,開頭個女做乜嘢都唔可以話畀我聽,化妝要唔同時間,見咩人唔講得,所以連喺觀塘邊度拍都唔畀我知。因為我第一次拍真人騷,一去到現場就戴晒咪唔准除,一直去到拍完先除得,我連去洗手間都唔好意思,但佢哋就想捉到啲好細嘅Moment,每一個表情都唔放過,剪片真係辛苦到死,但佢哋又好開心、好熱情,之後我都習慣咗由佢拍,邊有劇本?」

媚姨(中)一個「出軌論」語驚四座,冰姐就極力推薦媚姨參加《阿媽又戀嚟》:「開頭幾日未認識佢已經覺得佢會紅,佢幕前幕後都一樣,好可愛好幽默!」

冰姐分享節目的成功之道:「我知佢哋點解咁成功,佢真係捕捉到一啲Moment,全部角度都有,幾醜樣幾時講咩都呃唔到!」冰姐又透露與舊時拍節目感覺大相逕庭,「我之前喺開電視做咗7年主持,仲係好傳統式,要開會預備、Brainstorm下重點,今次唔同係真人騷,完全乜都冇預備、完全零蛋、真係考直接反應,好似媚姨反應咁快就有着數,素人嚟講係難得!真人騷冇劇本就唯有睇性格。如果今次咁成功,都打破晒(觀念)原來而家做嘢可以亂嚟,即係唔使咁多框框,使乜劇本?」

冰姐透露自己原本就很喜歡看Netflix的真人騷,特別是有錢太太針鋒相對的《The Real Housewives of Beverly Hills》,冰姐就極力推介。

冰姐坦言少睇近來炙手可熱的男團MIRROR及ERROR,她又透露了拍攝間的趣事:「第一次上去節目組畀咗啲相我揀,問啲男仔邊個啱囡囡,有幾個我揀都唔會揀,後來囡囡先話畀我聽嗰個係ERROR嚟,好紅㗎!然後我就發現唔得,自己冇與時並進,要去睇下先,我而家開始會睇,起碼啲細路講嘢會知佢講乜!」

電影1

發表評論...