智能愛人| 泰臣與蔣志光離別飲酒勁催淚 被網民封為最佳男配角

撰文:邱愛霖
出版:更新:

無綫(TVB)電視劇《智能愛人》監製陳翹英早前點名稱讚主角李佳芯(飾演阿寶)以及泰臣(Tyson翟凱泰,飾演Rocky)演技出色,後者更被陳翹英稱讚演繹低級機械人入型入格,「低級智能人都有佢嘅難度,好似演大哥大電話,同iPhone咁,兩者係有分別,佢做得好好。」
戲中泰臣對蔣志光(飾演古學禮)忠心耿耿,早前蔣志光淚別泰臣,向他盡訴心中情,令不少觀眾大呼催淚。網民更推舉泰臣為「最佳男配角」,「泰臣係真心勁,我覺得佢應該拎『最佳男配角』。」

泰臣(飾演Rocky)同麥美恩(飾演古家儀)有感情線。(劇集截圖)

智能愛人| 監製陳翹英讚李佳芯超班:好難有香港演員做到呢個水平

智能愛人劇評|李佳芯遭入侵漸黑化 爭仔或贏馮盈盈成最大贏家?

而最新一集(31日)泰臣戲份更重,講述泰臣好似保鏢一樣守護飽受情傷的麥美恩(飾演古家儀),令女方對他漸生情愫,最終竟然訂親。戲中泰臣勇猛追車為麥美恩買雪糕,又模仿古裝對白及動作,搞笑之餘亦不失機械人神髓,演技可見一斑。

蔣志光在天台同泰臣飲啤酒一幕,不少觀眾大呼催淚。(劇集截圖)

陳翹英賞識泰臣《潮性辦公室》「送水輝哥」表演

泰臣今日(31日)接受《香港01》訪問,透露當初陳老師看中他於舞台劇《潮性辦公室》「送水輝哥」表現出色,故邀請他加入劇組,「佢見到我嘅表演,又可能見我咁細粒,體型各方面又好符合到佢要求,哈哈!」他坦言感謝陳老師的賞識,及給予他Rocky這麼有趣的角色,「相信我對Rocky嘅演繹都冇令佢失望嘅。」

他坦言拍買雪糕戲的前一日要拍Rocky瘸腳,怎料真的整傷自己,導致第二日要帶傷上陣,「本身有個替身,跑得好鬼快,成個運動員咁。但之後我就同導演講,不如畀我試吓,唔好掟彎就得。因為我係舊款機械人,模仿人類咁跑,但關節又未去到90度咁正面跑,就拍咗場戲。」他又稱讚麥美恩本色演出,可塑性高。

泰臣幫麥美恩追車買雪糕:

+4

蔣志光淚別泰臣臨時加戲

至於與蔣志光離別前飲酒一場戲,泰臣大讚蔣志光演技出色,他亦忍不住眼濕濕,「嗰個場口係戲中我哋第三次飲啤酒,都係最後一次飲啤酒,嗰晚大家都有好Feel,我睇呢場都好Touching,我哋感情真摯,好唔捨得呢段友誼。蔣老師啲戲好勁,佢演繹一個Funny嘅小人物,但又要真情流露,好勁。」

他又透露,劇本僅安排Rocky遞上紙巾,但他臨時加上搭膊頭的動作,「除咗聽,我想Rocky真係有啲物理上嘅Support,我想觀眾Feel到Rocky都會體貼人類呢種窩心。之後出埋背景音樂《今宵多珍重》,我就真係『嘩嘩嘩!』」

蔣志光淚別泰臣一幕:

+3

稱讚Ali落力:佢演高級機械人難度高啲!

泰臣表示,演低級機械人容易過演真人,「真人要真摯,感受個環境多啲。而機械人幾好玩,我Set咗啲限制畀自己,Rocky一定要直望,45度、90度咁轉個頭。」他認為Ali飾演高級機械人的難度較高,「我同Ali對戲都有傾偈,佢話:『你實得啦!你咁好!』但其實Ali(扮阿寶)又要似人類,戲份又孭重飛,又由頭帶到落尾,Ali都好落力。」

Ali意識到泰臣被強行注入病毒:

隨著劇情發展,究竟Rocky是否真的愛上麥美恩,泰臣則表示要「畀觀眾估下先有趣啲。」至於Rocky最後會否與麥美恩終成眷屬,泰臣笑言:「佢哋心靈上會一齊。你知啦,愛情就係有啲悵然若失先好㗎嘛!哈哈!」

睇睇Ali演技點超班法:

+1

即看眾視后演技大爆發時刻:

+66
你可能感興趣