Edan忙到甩轆chur到爆健康終響警號 自爆已暈低兩次要做身體檢查

撰文:趙允琳
出版:更新:

ViuTV綜藝節目《膠戰》去年播出後大受歡迎,第二輯《膠戰S2》昨晚(10日)終於強勢回歸,MIRROR成員Edan(呂爵安)作為節目中的主力,第一集已經使出九牛二虎之力玩遊戲,猜題時更不惜除衫露肌肉為粉絲派福利,但卻在跑石春路時跑到臉色也變青,令一眾粉絲都很關心他會否玩得太認真而忽略健康。Edan昨晚在Instagram開直播時自爆,其實自己在拍攝《膠戰S2》時已經暈倒過一次,最近忙於拍攝劇集《i.SWIM》時又再暈過,健康狀況令人擔憂。

《膠戰S2》昨晚(10日)終於強勢回歸。(《膠戰S2》影片截圖)
MIRROR成員Edan作為節目中的主力,在第一集已經使出九牛二虎之力玩遊戲。(《膠戰S2》影片截圖)
Edan玩到衫都除埋!(《膠戰S2》影片截圖)

Edan在直播中表示,拍攝昨晚一集的遊戲時曾經一度感到暈眩要暫停錄製:「當日我跑完之後去到臨尾要換衫,因為我太耐冇做運動跑到就嚟死,嘩!一跑完坐低就開始暈,想嘔同標冷汗,成個人feel到好唔妥,我24歲仔冇試過咁嘅情况,好驚,我就話『喂,我唔得啦』因為成身濕晒所以即刻換衫,嗰次之後一定要做下運動,同埋嗰日通宵拍完直接走去拍電影《闔家辣》,所以嗰日都好誇張。」

Edan在直播中表示,拍攝昨晚那一集的遊戲時感到暈眩,更覺得想嘔和標冷汗。(《膠戰S2》影片截圖)
Edan跑到面都青埋。(《膠戰S2》影片截圖)
Edan表示當時已經覺得「我唔得啦」。(《膠戰S2》影片截圖)
Edan當時的表情已經有點勉強。(《膠戰S2》影片截圖)

除此之外,Edan又坦言自己因為不太精通游水,去到深水就會感到害怕,因此拍攝劇集《i.SWIM》之前都要先練水,卻在練水的時候差點再次暈低:「我拍《i.SWIM》第一次去練水,導演監製都嚟晒,想睇吓我游成點,所以我嗰次去都有啲壓力,因為好耐冇游過水,點都要試一試,我懷疑以前未完整游過一個25米,一去到未熱身就跳落去游,即游25米蛙式,游完之後,隻腳即刻緊到好似腫咗,啲筋硬晒,心感不妙,之後我上水同大家熱身,熱身期間我開始暈暈哋,但冇理由同大家講我頂唔順同想唞,應該係太焗,咁我繼續熱身,突然眼冒金星,過多陣真係暈,成個人突然間眼前畫面好似變咗一點點黑色,即刻有人扶住我!」

雖然Edan笑言那個時候太樣衰「想搵窿捐」,不過他都有正視自己的健康狀況,之後去看醫生做身體檢查,幸好結果心臟和身體都並無大礙,叫大家可以放心。

Edan現時正在拍《i.SWIM》,原來在練水時都差點暈低。(Instagram:@edanlui)

事實上,Edan今年歌影視綜四方面都涉獵,工作忙到踢晒腳長期睡眠不足,不但在一年內先後推出三首個人單曲《E先生 連環不幸事件》、《小諧星》及《My Apple Pie》,還連拍兩部劇集《大叔的愛》及《i.SWIM》,又要忙住拍電影《闔家辣》和幾個綜藝節目《考有Feel》、《調教你MIRROR》和《膠戰》,更要出席大大小小的MIRROR商演及品牌時裝活動,排山倒海的工作量根本令他難以應付。另一MIRROR成員姜濤已經在上月出席一個公開活動時暈倒,令外界擔憂一眾MIRROR成員工作過勞問題,如今Edan的身體又再次響起警號,粉絲都希望經理人花姐可以安排時間讓他們好好休息,健康至上。

姜濤(左一)上月與Jer、Anson Lo及Edan出席活動時突然跌倒暈低。(資料圖片)
令外界擔憂一眾MIRROR成員工作過勞問題。(資料圖片)

點擊回顧Edan今年忙啲咩:

+30
你可能感興趣