Jeffrey魏浚笙壓軸登場做嘉賓感壓力 罕有騷歌喉唔敢諗出歌
撰文：趙允琳
出版：更新：
少爺占大讚Jeffrey是自己20年來見過最靚仔的男明星。（周倪瑩 攝）
少爺占昨晚（21日）在灣仔修頓場館舉行首場《朱豔強自己一條Show》棟篤笑Talk Show，他接受訪問時表示因為需要一個好靚仔的男主角而毅然透過Instagram邀請Jeffrey（魏浚笙）擔任嘉賓，更大讚對方是「呢20年嚟見過嘅男明星中最靚仔」，男主角非他莫屬。
七仙羽昨晚擔任少爺占《朱豔強自己一條Show》嘉賓，棟篤笑都難她不倒。（周倪瑩 攝）
Jeffrey完騷後接受訪問，坦言自己用了兩個星期排練，以為已經準備充足，但上台前依然十分緊張：「我以為冇（膽怯），但其實有！所以真係要試下。我一出場嘅時候，（喺後台）見到七師傅佢即刻同我擊掌，我即刻淡定咗落嚟。」
Jeffrey在綜藝節目《膠戰》中表現出色而大受觀眾喜愛，現時更正在拍攝劇集《i.SWIM》，今次在台上罕有大展歌喉唱出側田的《命硬》和連詩雅的《到此為止》令人刮目相看，之後會否有機會見到他推出自己的歌曲，抑或與好友Edan、或MIRROR、ERROR成員有音樂上的合作？「Crossover梗係未必得啦，人哋咁強，我相差太遠啦個水平，所以只好自己努力練下啲歌喉先，唔好影響人哋！」