陶大宇憑《倒轉地球》大翻身 爆紅感迷惘:唱得好唔會有今日成就

撰文:董欣琪
出版:更新:

曾被封為「師奶殺手」的陶大宇近日因為在內地登台獻唱《倒轉地球》而爆紅,他獨特的唱腔及「水撥式」台風吸引不少人爭相模仿,不但令他人氣再度急升,更有網民力推他登上「我最喜愛的男歌手」寶座,風頭一時無兩!而身處廣州的陶大宇,日前就接受TVB娛樂新聞台訪問,期間更獲不少粉絲要求合照留念,大受歡迎!

陶大宇即場運氣獻唱《倒轉地球》其中兩句:「送走擔憂,今天解放只想要自由,噓!」最後一下「噓」的動作,相當震撼!(影片截圖)
+7

對於近期爆紅,陶大宇就笑言大感迷惘:「究竟我仲應唔應該呢,將啲歌唱得更加好呢?如果我唱得咁好嘅話呢,我就唔會有今日嘅成就。你究竟鍾意我邊一瓣先?你究竟鍾意我而家呢個版本呀,抑或要一個我將來進步一啲嘅版本先?咁我都會盡返好我自己嘅責任嘅,唔會太過離譜嘅。其實我唱歌呢,唔係咁難聽嘅,唔係而家市面上、江湖上咁樣嘅,我真係要澄清一下,我都想唱得好少少嘅,唔好令到大家有啲不必要嘅誤會啦。」

陶大宇澄清自己唱歌並唔係咁難聽。(影片截圖)

陶大宇將《倒轉地球》唱到街知巷聞,甚至有人誤會這首歌是他的首本名曲,忘記了原唱劉德華的版本,而陶大宇就搞笑表示歉意:「首先就華哥仔,真係唔好意思,搞到你首歌咁樣,你唔會怪我嘅。咁我覺得喺現場唱歌,個反應係直接嘅,我好想做一個互動嘅感覺,所以我就設計咗一個打招呼咁樣唱,點知揮下揮下,姿勢打下打下又幾過癮喎,愈打就愈勁,出現咗呢個效果喇。開頭我都唔知係咁搞笑,睇返好多片先知原來真係好搞笑,又真係幾似嗰個水撥嘅,開心就得啦,最緊要開心。」

陶大宇向原唱劉德華表示歉意。(影片截圖)

點擊下圖重溫陶大宇演出:

+25

陶大宇透露最近工作量大增,商演活動接不停:「其實我上咗嚟內地都有一段好長嘅時間,我都好掛住屋企,我都好想返去,但係暫時唔可以返住,我都要明年先可以返去,我都好掛住我媽,希望今年過年可以返去同佢食團年飯,同佢傾下偈,因為我阿媽隻耳又唔係咁好啦,所以佢見到電視呢,可能都聽唔到我講嘢。希望順順利利,做埋我手頭上嘅工作,我就可以安心返香港過年。」

陶大宇連月來一直在內地工作,他直言希望明年返香港與媽媽團聚。(微博@陶大宇)