馬鞍山居屋富寶花園3個月劈13%　未補價335萬沽　大賺兩球半換樓

樓價第二季有所落，無論是自住客抑或是投資者都睇準機會入手心儀物業。馬鞍山富寶花園三房原業主因睇中同區單位並有意換樓，決定減價51萬元沽出原有居屋單位。新近以未補地價335萬元沽出，持貨30年賺253萬元離場，單位期內升值3.1倍。

世紀21奇豐物業分行經理張翠珊表示，是次成交單位為馬鞍山居屋富寶花園10座低層D室，實用面積582平方呎，屬三房間隔，望山景。原業主於三個月前以未補地價386萬元叫價放盤，及後因應市況減價51萬元或13.2%，至未補地價335萬元沽出，呎價5,746元。

持貨30年帳賺253萬

新買家為同區綠表上車客，見上述單位價錢合理，議價幅度較大，故買入上述單位自用。

據了解，原業主於1993年8月以未補地價82萬元買入上述單位，持貨30年，是次轉手帳面獲利253萬元，單位期內升值約3.1倍，可謂單位每十年翻一倍。