高官違限聚令飯局|林鄭指三官員疏忽 已交罰款致歉冀告一段落

撰文:周禮希
出版:更新:

保安局副局長區志光、入境事務處處長區嘉宏及海關關長鄧以海,被揭今年3月參加飯局違反限聚令,特首林鄭月娥今日(11日)首度開腔回應,指3人不夠敏感度,是有些疏忽。
她強調,3名官員已經交罰款並致歉,事件應該告一段落,又指3人今次已經付出一定代價,因為如此高級官員最重要是名聲,而他們已「被報紙寫幾日」。對於飯局被質疑奢華,她指3人今次只是獲邀出席,「菜單未去到又怎知呢」,反問「如果去到見到有鮑魚,係咪就要起身離開?」
至於會否有跟進行動,林鄭回應指,基本上覺得3人既已承擔法律後果、公開致歉,政府同事亦知道這些場合日後要盡量少去,希望事件告一段落。

▼高官違限聚令飯局時序▼

+6

林鄭月娥今早出席電台節目時表示,自己經常說作為特區官員「要比白更白」,近日亦有前官員指自己很少去社交聚會,而她自己亦很少參與甚至不出席,被形容是「獨家村」,就是不希望有任何聯想。

對於飯局奢華的質疑,她指3人今次只是獲邀出席,「菜單未去到又怎知呢」,反問是否如果飯局有鮑魚就要起身離去。

我希望社會大眾明白,佢哋係受邀請去咗一次晚宴,我對於呢三位同事都好熟悉,佢哋唔係一般人而家上綱上線想形容佢嗰啲同事,佢哋全部都係盡心盡力,服務香港社會嘅同事,但係喺呢個情況下被邀請出席(晚宴),亦都係以為.…如果係一間酒樓,大家就好清楚,但佢亦都係咁嘅場地,咁所以以為係一個私人聚會,好似屋企擺十人一圍,當時係可以嘅。咁你話佢食得好豪華,咁你被請到去又點知呢,菜單都冇得睇架嘛,咁你唔可以話,見你有塊鮑魚喎,不如企起身走啦,大家要從比較人性化去睇嗰晚咁嘅宴會。
林鄭月娥評3高官違限聚令

林鄭又指,今次事件突顯執法行動會「追返轉頭」,強調今次只是因為另一與飯局無關的罪案調查,事件應該告一段落,指三人今次已經付出一定代價,如此高級官員最重要是名聲。

▼高官違限聚令飯局 疑團未解▼

+4

▼飯局秘密會所▼

發表評論...