立法會選舉｜張欣宇對撼建制派猛將　對結果有信心：未必打告急牌

新界北參選人，香港新方向的張欣宇是首次參選立法會選舉，今日黃昏到天水圍天逸邨拉票。在建制派猛將「夾擊」之下，他仍向記者表示對選情頗有信心，未必會打「告急牌」。

張欣宇指雖然是首次參選，但自己仍全情投入，「比左120分出黎啦，咁多人支持我，梗係要比最好既出黎啦，我支團隊都搏盡架啦。」提到在踏入天水圍前到訪了哪區，「今日全個新界北去曬，沙頭角、上水、粉嶺、天水圍。」「今日都冇時間食飯，晏晝淨係係架車度食左個飯盒，不過有火就唔怕架啦。今日都諗住直踩落去。」

同區候選人來頭不小，包括民建聯大將劉國勳及鄉事派背景的沈豪傑，被問到覺得目前選情如何，張稱今年投票率比以往低是意料之內，因以往選舉氣氛較熱烈，但在這情況之下，希望能說服更多選民出來，投下支持一票。張指自己其實並不告急，他相信「選民既決定，唔會黎到呢一刻先做。」「大家都最後衝刺，都冇咩方法『谷票』，我哋都擺晒上網，比人地睇晒我哋做過啲咩，希望大家都多啲了解。」

新界北地區直選其他參選人，包括劉國勳、沈豪傑、曾麗文。

立法會選舉各界別參選名單，請按此參閱《香港01》選舉網站。