花市取消︱何俊賢憂人流湧花墟:到時爆花墟群組 犧牲真有用?

撰文:林嘉成
出版:更新:

自上周五(7日)收緊的防疫措施,將進一步延長兩星期至大年初三,即下月3日,期間除了全港食肆禁晚市堂食,健身室等指定處所繼續關閉,全港花市亦會取消。漁農界議員何俊賢質疑,一刀切取消花市令政府可以簡單卸掉責任,但反問「花農嘅犧牲係咪真是對社會抗疫有好處?」

何俊賢指「如果香港無咗花市,香港人係咪唔買花呢?……佢地去旺角花墟買,到時可能整個花墟群組出嚟。」他進一步解釋取消花市後,市民必然會轉赴花墟買花,令花墟更「墟冚」,質疑能否達至防疫效果。

+1

為了抗疫必定配合:惟冇解決人流問題

何俊賢下午在立法會財會表示,若果政府一意孤行,花農只能無奈照做:「如果最終有決定……我梗係返去同花農講,特首決定左,我哋堅決執行。」他接受《香港01》查詢時指,為了抗疫固然會配合,但問題是犧牲是否值得,舉例如果禁晚市堂食並非全港一刀切,「人嚟嘅嘛,佢一定去搵食嘅地方,所以你冇解決人流問題,呢個課題政府無講!」他擔心花農最終只是「捱咗義氣」,但未必實質起到抗疫作用,「咁會覺得犧牲唔抵!」

叫停全港花市,食環署將向檔主悉數退還費用,而在第五輪防疫抗疫基金也會向他們發放攤位使用費一半的特惠金。何俊賢指,背後還牽連眾多本地花農,原本打算經花市銷售的植物及鮮花斷了銷路,政府必須考慮如何補漏執遺。

你可能感興趣