【飲食熱話】網民選10種食物貴又唔值！珍奶馬卡龍全日早餐都上榜
撰文：鄧穎琪
出版：更新：
「相機食先」的風氣從未停止過，對某些人來說，食物的賣相有時甚至比味道更重要。日前有網民在討論區開Post，討論有哪些食物名過於實、貴得唔值，並且有「呃港女錢」之嫌。經記者綜合後發現，多種「過江龍」名物上榜，包括：古早味蛋糕、水信玄餅、馬卡龍等等，但亦有網民表示不同意。
古早味蛋糕、馬卡龍、ADB、Bagel都唔值？
有網民開Post討論有哪些食物「呃港女錢」，即明明不值得某個價錢，卻又賣到貴一貴，有部分可能是外形精緻，所以即使得個殼，還是有一堆人願意花錢購買。其實這些討論已不是首次出現，結果古早味蛋糕、馬卡龍、All Day Breakfast（ADB）等都毫無懸念上榜。
其中十款被提名的食物，許多都來自其他國家，如：台灣的手搖飲品、古早味蛋糕，韓國的紫菜飯卷、日本的水信玄餅，牌以及法國的馬卡龍。爭論原因主要是，這些食物在它的起源地根本只是平民食品，來到香港卻貴價不少。另一個爭拗原因，是有人認為這些食品用料普通，自己煮的成本亦十分低，質疑餐廳將價格過分提高，如ADB就是其中例子，不過網民就認為兩者冇得比，「屋企淥個餐蛋福麵，成本價5蚊都俾多佢，出面最平都要30蚊碗啦，但冇得用屋企整嘅價錢同出面整嘅比較嘅。」
請按下圖睇其中5款食物（排名不分先後）：
+17
請按下圖睇其餘5種食物：
+28
如果你都覺得這些食物價格偏貴，不妨考慮在家自己製作，以下提供其中幾個食譜，有興趣的話可趁周末自製一下。
【櫻花水信玄餅食譜】日本夢幻和菓子 晶瑩剔透味道微甜入口即化
紅豆綠茶千層蛋糕食譜
【電飯煲食譜】古早味蛋糕鬆軟綿密滿蛋香 比焗爐方便2大優點！