Dear Jane 自肥企劃?|出Fat Coffee With 肥仔搪膠 夾阿徐搞cafe

撰文:鍾世傑
出版:更新:

利申先,唔係Dear Jane 全員自肥,而係隊中低音結他手伍漢邦(Jackal Ng),跟拍檔Gavin So一齊搞咗個名為「Fat Coffee With」的聯乘project,吉祥物是一位飲用了大量咖啡因,刺激得舉高雙手的肥仔「阿發」,究竟這個「自肥企劃」有咩玩呢?

徐濠縈到場參觀。

唔係賣咖啡.係賣咖啡因般的刺激

這是一個咖啡品牌嗎?「Fat Coffee With」這名字有咩深層意思呢?Jackal解釋:「其實我係飲茶派,但工作關係,我要飲好多咖啡,要一take過吸收大量咖啡因,即時醒神。」Jackal跟Gavin正希望這品牌能為玩家、用家的生活帶來像咖啡因般即時且大量的刺激,垂決定以Coffee做主題,而Fat不是肥,而係「發」(搞生意邊個唔想發),With則代表與不同單位一齊合作crossover,比如今次在AMAZ exhibition搞公仔,就係「Fat Coffee With AMAZ」:

+5

8月29日首次舉行 Fat Coffee With AMAZ Gallery 活動,在百德新街AMAZ by Lokianno Gallery發售100隻 6吋「發仔」模型,每個均有獨立編號。而在gallery內亦有一系列用「速遞咖啡因激發生活」為概念,以紙皮箱、快運sticker標籤為元素的畫作。

掛畫全部是用紙皮箱、快運sticker、封箱膠紙做元素。(點圖放大)

+3

買人哋嘢難百分百滿意.不如自己造

那創作Fat Coffee With的動機又是甚麼呢?所謂求人不如求己,Jackal和Gavin都是購物迷,然而市面及網上商品無數,卻未必能百分百令自己滿意,於是就想到不如開品牌製作先滿足自己需要的單品。

原來發仔的造型會根據不同合作而起變化,比如HER是一家cafe,發仔會捧著熱飲杯,腳踏曲奇滑板。

玩具只係其中一樣元素,發仔係Fat Coffee With吉祥物,代表這計劃的精神,接下來將會跟日本、香港及其他地區的單位合作,立立雜雜、不限於玩具。比如會與「阿徐」徐濠縈主理的時裝店HER,搞期間限定pop up cafe,店內的咖啡系飲品,曲奇、蛋糕都是使用Fat Coffee With提供的咖啡豆泡製,更有時裝及家品小物賣,裝修好靚,打卡一流。

+7

文中的6吋發仔已經一日內賣清,至於Fat Coffee With HER 就整個9月都會營業,男仔陪女朋友去打卡,又可行埋旁邊間Hot Toys買iron-man,買玩具不一定要落旺角。

Amaz by Lokianno:百德新街53號鋪 (8月29日起暫停營業)
Fat Coffee With HER期間限定cafe:銅鑼灣Fashion Walk百德新街55號地下A及C號舖

同場加映:合味道 EVA 別注版杯麵8款式公開 明日香綾波麗隱藏版邊度買到?

《新·福音戰士劇場版:終》與日清合味道杯麵合推限定版EVANGELION麵類新食感計劃杯麵!即睇全8種款式同限定box set,仲有機會抽初號機清仔,或價值12萬港元巨型初號機!

+1
發表評論...