港人住酒店宅度假慘變做清潔工 用浴鹽球浸浴最後差啲洗唔甩！
撰文：奶蓋弟弟
出版：更新：
港人去Staycation，住酒店宅度假已是平常事，不過近日有港人付費住酒店竟慘變清潔工，手執牙刷在浴缸不斷清刷，過程嚇到心驚膽跳，谷到成肚氣！
港人住酒店宅度假變做清潔工！用牙刷刷浴缸谷到成肚氣
不少港人去Staycation，都旨在享用酒店房間設施，可以在浴缸輕鬆浸浴。惟有港人在Facebook群組「香港 Staycation 酒店交流谷」分享慘痛經歷，指自己在酒店浴缸使用了一枚粉紅色的LUSH氣泡彈，使用後驚訝發現浴缸竟變成粉紅色。
（圖片來源：香港 Staycation 酒店交流谷）
事主在貼文中表示當時自己嚇到心都離一離，「即刻用花灑沖，但點知洗唔甩！」，之後「沐浴露開缸水浸一兩個鐘，啲色都仲喺度」，最後半夜三更要用牙刷沾牙膏慢慢清刷，再開水徹夜浸洗，才能徹底清潔乾淨，嚇到失主連忙發誓「我下次都唔敢再買啲咁鮮艷顏色嘅氣泡彈」！
（圖片來源：香港 Staycation 酒店交流谷）
記者捏指一算，事主清潔時間超過3小時，假設酒店保證24小時入住，即是使用了超過1成時間進行清潔。有網民迅速留言稱事件猶如「畀錢去做清潔」，事主都難忍笑意，自嘲「半夜三更踎喺度擦浴缸，好慘」。
（圖片來源：香港 Staycation 酒店交流谷）
貼文在群組中持續發酵，好多網民都留言大讚事主有公德心，狂讚「你下一手住客好幸福呀，個浴缸好乾淨」。亦有網民稱自己曾遇相關經歷，表示「我試過打返去Lush，佢幫我準備返啲清潔劑，比我清潔返浴缸」，讓不少網民都大開眼界。