李力持質疑「順豐」遙控模型車售過萬元太貴 網民︰好出奇咩?

撰文:喬納森
出版:更新:

正所謂「千金難買心頭好」,模型車迷不惜為心頭好一擲千金,外行人難以理解。導演李力持昨日在facebook圖文並荗發帖,質疑一部順豐遙控模型車索價1.28萬港元,驚訝地問道:「究竟有咩人會買?」其疑問獲部分網民認同,笑稱可能「順豐老闆會買」,但亦有網民不同意,指遙控模型車是「心機嘢」,「人工最貴,砌架車,噴個殼,set車,走線,起碼搞你3至4日」,其他網民更上載多張模型車心頭好圖片,包括巴士、貨車,每一部都像真度極高,反問「過萬蚊好出奇咩?」。

導演李力持在網上圖文並茂質疑一部順豐遙控模型車索價1.28萬港元,詢問「究竟有咩人會買?」,質疑獲得部分網民認同,笑稱可能「順豐老闆會買」。(李力持fb 圖片)
+2

下載「香港01」App ,即睇城中熱話:https://hk01.app.link/qIZYuEC5LO

李力持昨在facebook上載一張圖片,可見店內擺放一部外型與順豐速運貨車想像的模型車,並貼有「完成品,1.28萬元」,李力持在帖文問:「究竟有咩人會買呢部順豐模型遙控貨車呢?」

帖文吸引不少網民討論,有人認同李力持的質疑,留言指「順豐老闆會買」、「好愛公司嘅工人」、「萬幾蚊就真係貴啦」。但亦有人客觀分析「咁大型的遙控車,價格算合理」、「心機嘢無價」,並仔細分析原因,「人工最貴,砌架車,噴個殼,set車,走線,起碼搞你3-4日0900-1800啦」。另有網民認為明買明賣沒問題,指模型舖放售數個月才賣出一部,「人哋design到做又要幾個月分分鐘半年先一架,賣一萬蚊好過份咩?」。

更有模型車迷反問「過萬蚊好出奇咩?」,並上載多張心頭好圖片,包括巴士、貨車,有巴士模型更承受到小童坐在車頂,可見成品不但栩栩如真,而且非常堅固,更有貨車模型可以容納到10罐汽水及兩碗外賣,可謂「又睇得又打得」。

更有貨車模型可以容納到10罐汽水及兩碗外賣,除了模型車迷自娛之外,可謂「又睇得又打得」。(羅振奇fb 圖片)
+5

李力持亦回覆網民留言表示,「玩相機無玩呢啲(模型車),真係唔知價,自由社會喜歡就得」,並指該部順豐遙控模型車特別,否則他不會拍照分享。

立刻Like!讚好《01熱話》: