印傭食牛雜麵驚悉有豬腸 食完急衝廁所嘔 仲有呢幾樣食物好高危

撰文:
最後更新日期:

不同宗教有各自的規則或禁忌,當中不少與飲食有關。有網民昨日分享家中外傭不慎「破戒」的經歷,稱媽媽與本身為伊斯蘭教徒的印傭到粉麵店,姐姐食牛雜麵時「食剩晒啲腸」,沒料職員看到後一句無心說話,竟讓姐姐得知麵內有豬腸,令她急急衝到廁所嘔吐。

有本身為伊斯蘭教徒的外傭到粉麵店食牛雜麵,突被職員告知碗內含有豬腸,一時難以接受,急急衝到廁所嘔吐。(示意圖/資料圖片)

下載「香港01」App ,即睇城中熱話

「俾人打爛齋砵」可能是教徒最害怕的事,有網民昨日發文,稱媽媽與家中印傭外出用膳,為遷就伊斯蘭教徒姐姐不吃豬肉的習慣,更特意叫了牛雜麵給她。樓主指,姐姐最後「食剩晒啲腸」,侍應阿姐看到後便說:「唔食豬腸嘅話,下次走豬腸呀嘛!」

樓主指姐姐誤食含豬腸的牛雜麵後,回家「係咁祈禱」,不禁慨嘆:「點解牛雜會有豬?」(示意圖/資料圖片)

樓主形容,姐姐突被告知食過的粉麵竟有豬內臟成分,「即刻眼都突埋」,甫離開食店便衝到廁所嘔吐。樓主媽媽其後也再次向食店阿姐確認碗內的是豬腸而非牛腸,又指姐姐回家後「係咁祈禱」,看到她感自責也不禁慨嘆「點解牛雜會有豬?不知者不罪,香港走豬真係好難」,只能請姐姐食「佢最鍾意食嘅榴槤」作為安慰,幸好姐姐也沒有太介意,「好彩佢都無太唔開心,佢話嘔返晒出嚟啦」。

不過樓主愈想愈感不妥,直指牛雜麵有豬內臟是食店的問題,質疑店方違反商品說明條例,「如果我在場,應該會追問到底」。她說平日姐姐會查看食品標籤以防「破戒」,不過有時也會在不知情下中招,「其實真係好多嘢都有豬嘅成份,不過無標籤出嚟就當無咋」,故決定「下次叫牛腩俾佢食穩陣啲」。

帖文引來不少印傭僱主討論,紛紛指家中姐姐也有類似「破戒」經歷,為了尊重對方的信仰,只能盡量提醒及遷就,「呢個真係要小心處理,信仰好深入」、「所以我唔會亂買嘢畀姐姐食,廢事中伏」、「我有聽過有啲印姐話佢來香港打工,因工作關係都會食豬肉,佢話真主都唔會怪佢」。

另有僱主分享含有豬油但容易忽略的高危食物例子,直言有時發現姐姐誤食也不忍心告知,「同印印姐姐去飲茶記得唔好叫牛肉球,牛肉球係豬牛肉溝埋一齊搞成個球狀嘅」、「雲吞一定唔得,入面有肥豬肉的」、「大部分街買到嘅牛丸都有豬肉成份」、「酒樓有啲餸菜蒸出來想油立立靚啲都加豬油蒸㗎」。

同場加映:網民分享中伏飲食經驗
+10
+9
+8
立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。