將軍澳大叔飲酒爆喊呻幾個月無工開 港女心酸遞紙巾贈幾百蚊解困

撰文:
最後更新日期:

新冠肺炎疫情爆發至今已1年,各行各業也大受打擊,不少人甚至被迫停工。有將軍澳街坊早前到寓所附近買食物時,看到1名正在路邊飲酒的大叔突然大罵政府,表示自己已停工數個月,更情緒激動大哭起來。街坊見狀感不忍,隨即走近送上紙巾及數百元現金,「除咗咁我都唔知可以做啲咩」,慨嘆手停口停的人是疫情下的最大受害者。

有將軍澳街坊日前遇到1名大叔在路邊邊哭邊呻手停口停,隨即送上紙巾及數百元現金。(《麥路人》劇照)

下載「香港01」App ,即睇城中熱話

「一份穩陣嘅工對佢哋嚟講,真係命根嚟。」該名居於將軍澳的女街坊前晚(4日)於fb群組「將軍澳主場」發文,稱在寓所附近買食物後,於回家途中看見1名大叔正於路邊飲酒。

或許受酒精影響,大叔突然「爆粗」大罵政府:「我幾個月冇工開啦!你班食屎狗玩夠未呀!係咪要逼到我去打劫綁架先畀我生存呀?你哋班X家X!」之後更傷心大哭起來,女街坊見狀直言「心好悒」,遂「膽粗粗」走近,「畀咗身上幾百蚊同埋遞包紙巾畀佢,除咗咁我都唔知可以做啲咩,我就走咗」。

女街坊慨嘆,被迫停工、失去收入的人是疫情下首當其衝的受害者。(《麥路人》劇照)

女街坊事後發文有感而發,指疫情下首當其衝的絕對是被迫停工、失去收入的一群,「人人都揾少咗,唉,但都唔夠呢班人慘,唔好話發達,根本手停就口停,兩餐都成問題,一份穩陣嘅工對佢哋嚟講,真係命根嚟」,慨嘆這民不聊生的情況成為了「香港哀歌」。

帖文引來不少網民討論,有人大讚女街坊雪中送炭的舉動,「你好有心喇,小小舉動可能對佢嚟講係好大鼓勵」、「幾百(元)對妳可能不算什麼,但對一啲有需要嘅人真係好有用」。亦有網民認同街坊所言,直指被迫停工卻要面對經濟負擔的人最受影響,「最慘係你無工開,無薪假,要交租供樓,人哋唔會因為你收入減少而收少啲」、「抗疫停市下,低下階層衝擊最大」。

同場加映更多好人好事:

尋人帖文附載一張發黃卡片,電話號碼停留在7個數字的年代,「黃日光」就是好心人的名字。(連桷璋fb圖片)

即睇40年前好人好事點滴▼▼▼

大埔女子跌錢感激日本城幫助找回▼▼▼

+3
+3
+3


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。