band1女生壓力爆煲轉讀band3 分享老師超用心教例子:讀得幾開心

撰文:
最後更新日期:

香港學生壓力大早已非新鮮事,有中學女生發文分享轉校經歷,稱曾就讀band 1中學2年,不堪學業壓力決定轉讀band 3學校,深感「根本唔係出面啲人講到咁差」。她指老師對教學極有熱誠,坦言校內學習氣氛或未及名校,卻能讓她愉快學習,更從中悟出學習的真諦:「最主要都係睇你有無自己努力。」

女生指曾因學業壓力影響生活,獲父母同意下由band 1學校轉到band 3學校。(《親親我好嗎》劇照)

下載「香港01」App ,即睇城中熱話

「好嘅話去到邊都會好,其實考唔考到高分最後都係睇自己。」該名女生早前投稿至facebook專頁「名校Secrets」,表示曾就讀油尖旺區1間band 1中學2年,期間承受巨大壓力,「記得嗰時全級名次跌一兩名已經好大壓力,每晚都瞓得唔好」。

她自言志願並非成為專業人士,幸獲父母體諒,為她安排轉到band 3學校,「我本身唔係志在做醫生、律師,想畢業之後做設計,佢哋得我一粒女,都唔想壓力太大搞到有咩病」。女生轉校後才發現,band 3學校「根本唔係出面啲人講到咁差」,更沒想到能重拾愉快學習生活,「𠵱家我都讀得幾開心,空間多咗,都無以前咁大壓力」。

+5
+5
+5

女生指,band 3學校的老師用心教學,「見你有心求學已經如獲至寶咁,夜晚任何時候都會覆你問題」,更透露曾有老師願意與學生討論功課至晚上11時。相後,她形容band 1中學的老師很功利,「見你成績有潛質先會花時間喺你身上,又或者用好多時間帶課外活動,再唔係一放學就走人,仲早過啲學生走」。

她坦言,band 3中學的學習氣氛明顯不及band 1學校,「好多同學都係屋企窮、單親、新移民,或者係超齡學童」,指部分同學的確較懶散,甚至無心向學。不過她卻從這特別的環境明白學習之道,「其實最主要都係睇你有無自己努力,根基打得好唔好,好嘅話去到邊都會好」。她直指,「考唔考到高分最後都係睇自己」,認為只要肯用心溫習,自然會看到成果。

女生直言成績最終也是靠個人努力,認為:「好嘅話去到邊都會好,其實考唔考到高分最後都係睇自己。」(《親親我好嗎》劇照)

女生的經歷引起網民共鳴,紛紛表示欣賞,「除左佩服同加油,都冇咩可以講,反正條條大路通羅馬,地球係圓嘅」、「還計算那banding嗎?最緊要『適合』吧,那裏都有好老師,或hea教老師。讀書都是看自己」。

亦有人分享個人經驗,認同愉快學習最重要,「我以前就係喺band 1學校讀到病咗,之後先轉去band3讀,但都轉得遲,因為個病都要中途退學,但係band3學校讀段時間係開心好多」、「從來只有學校分banding,學生同老師都唔分banding」。

工作篇

經濟篇

+4
+4
+4

感情篇



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。