恒生指數一度升近千點 連登燈神媽咪麵：睇路呀，準備股災呀！
撰文：卓柏安
出版：更新：
【恒指／千升／破頂／媽咪麵／麵咪媽】疫情全球肆虐，經濟環境與投資市場卻形成「冰火兩重天」的極端現象。今日（19日）恒生指數大升，午市前高見29848點，升986點，多隻重磅股亦都破頂向上。正當股民散戶因為股票大升而興奮時，連登燈神媽咪麵就在討論區發文，指大家要「睇路」及小心股災，網民見到帖文就對股市更有信心，笑指「4萬點不是夢」、「火箭準備好發射」、「股Joy」。
恒生指數半日大升超過800點，不過連登燈神媽咪麵卻出Po叫大家提防股災。（Google財經截圖）
恒生指數今日開市已經突破29000點關，其後愈升愈有，午市前最高見29848點，升986點，與30000點大關只有152點差距。恒生指數午市收報29746點，升883點。
媽咪麵出Po叫大家睇路，卻成為網民對股市的強心針。（YouTube短片截圖）
股市大升股民當然開心，不過著名的連登燈神媽咪麵卻在討論區上以「升成千點呀！大家睇路呀！準備股災啦！」為題發文，並講解自己看淡的睇法。他在內文指提到，當年恒生指數去到高位33000點時，曾突然暴跌過千點，奉勸大家「唔好再成為大戶嘅點心，我今次認真，見好就收啦」。他更表示「世間上冇無緣無故嘅暴升㗎，呢1個星期之內，肯定有1次暴跌，大家自求多福」。
雖然媽咪麵苦口婆心，但網民卻視為對入市的最大強心針，並留言看好股市繼續直線上升：【點擊下圖放大即睇網民留言▼ ▼ ▼】
+5
同場加映！（香港01製圖）
立即重溫！媽咪麵4480元熊證救市經過！【點擊下圖閱讀內容▼ ▼ ▼】
+6
同場加映：美股熔斷｜股市續跌連登仔分享投資語錄 股神巴菲特睇完都嚇親？【點擊下圖閱讀內容▼ ▼ ▼】
+5