WFH悲歌│在家工作被父母質疑失業 難聽說話逼到港男租工廈扮返工

撰文:
最後更新日期:

【新冠肺炎/WFH/在家工作】新冠肺炎疫情反覆,不少公司都安排員工在家工作,減低傳播機會,不過人人都WFH(work from home),你估人人都想WFH嗎?有打工仔在網上發文,指疫情期間多次在家工作,但家中兩老都會質疑自己失業,「日鬧夜鬧,日哦夜哦」,逼得他在外面自租1個80呎的工業大廈辦公室,避過父母的騷擾,「我真係覺得自己好折墮」。

有打工仔在網上發文,指疫情期間多次在家工作,但家中兩老都會質疑自己失業,逼得他在外面自租1個80呎的工業大廈辦公室避開他們。(GettyImages)

下載「香港01」App ,即睇城中熱話

「我有時唔明,點解啲父母要逼得仔女咁辛苦呢?」Facebook專頁「辦公室日報」最近刊登一篇網民的投稿,指其公司在疫情期間多次安排員工在家工作,但不獲家中兩老相信,認為他「失業唔敢講」,即使樓主展示公司電郵給他們看,爸爸還是劈頭大罵:「唔識睇啲雞腸!叫你畀心機又唔聽,以前成日請假去旅行,而家好啦!市道唔好一定炒你呢啲懶人先。」

近日公司再次實行在家工作直至3月,父母一如以往不相信,「冇可能有老細會畀員工咁樣做嘢」,樓主有時關上門在房內致電客戶和埋首工作,「佢哋都照樣叩門,照樣係咁叫,電視開到大大聲,完全冇辦法做嘢」。父母又用自己以往的工作經驗,拋出大量難聽說話,直斥樓主不懂珍惜工作,「放假即係對公司唔忠誠,冇盡力」、「一份工就係要做一世,轉工就等於唔識得飲水思源,係反骨嘅行為」等,令他大感無奈。

終於樓主決定1個人出外租用工廈辦公室避開家人,月租2500元,無窗無獨立廁所,僅80呎,並不提供家具,「求其買咗張摺枱同櫈仔返去」,而且做戲做全套,每朝一早「返工」出門口,放工都要校對時間夠鐘才回家。樓主在文中慨嘆,「希望其他人唔好有我呢啲遭遇,希望啲父母唔好再逼死仔女啦!未經歷過嘅嘢唔代表冇,時代唔同喇,唔好再成日講以前啦!」

網民看完樓主的經歷都感到同情,「有呢啲父母真係人都癲」,亦有人感同身受,指父母同樣將過時的經驗套在他身上,令人喘不過氣來。

【按圖更多網民咁樣講▼▼▼】

+5
+5
+5

同場加映:住300呎公屋港女WFH 呻阿媽好煩想分戶 網民:你有話事權咩?

住300呎公屋港女WFH 呻阿媽好煩想分戶(01熱話製圖)

連登仔睇錯更表4個月自製WFH:老細唔記得咗我 最後結果超意外(01熱話製圖)

+10
+10
+10


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。