朋友約食飯例牌早到叫晒餸食住等 港媽斥冇禮貌:好唔尊重人!

撰文:安祖娜
出版:更新:

每個人對餐桌禮儀有不同要求,多人聚餐時容易惹爭執。有港媽於討論區發文,稱與丈夫朋友一同聚餐時,對方經常早到,並會先落單「叫餸食先」,當她到達時部分食物已經幾乎食完,令她大感不受尊重,直指對方無禮貌。

有港媽發文大呻,與丈夫的朋友聚餐時,對方總會早到食住等,令她覺得不受尊重。(《愛回家之開心速遞》劇照)

下載「香港01」App ,即睇城中熱話

「大家接唔接受到,朋友約咗你食飯,但食先?」該名港媽於親子王國討論區發文,大呻丈夫定期約3至4名朋友聚餐,惟對方1個習慣每次也會令她不滿。她指幾名朋友都沒有子女,每次約好食飯時間,即使她與丈夫準時到達,也會發現對方「已經點晒餸,食緊/食完」。

朋友之後也會提出食完再叫,但港媽指「根本佢哋叫嘅嘢,你冇可能食得完囉,即係佢哋已經叫晒,你冇say啦」。她直指部分餸菜「凍咗係唔好食」,而且朋友並無等待人齊才起筷,令她感到不被尊重,「覺得咁樣冇冇貌,個個係外國讀書返嚟,受過教育,我諗可能我將佢哋做人嘅標準也定得高一點」。

港媽強調,自己與丈夫一向準時,然而朋友們「例牌早到」並叫餸,直言覺得介意。(《愛回家之開心速遞》劇照)

港媽強調,自己與丈夫一向準時,然而朋友們「例牌早到」並叫餸,坦言自己小氣會介意,但丈夫似乎不覺有問題,「約幾點,我就幾點到,係我問老公點解次次食住等,佢先話『佢哋份工早收,可能早到,叫住嘢食先』」,令她不禁詢問網民意見。

不少網民看過帖文也認為應等待齊人才起筷,「唔係小朋友扭計鬧肚餓,咁大個人當然等齊人先起筷啦」、「如果樓主你係準時,佢哋食先的確係冇禮貌,我會下次約之前同佢哋講唔好太早到」。

亦有人認為早到者可先叫小食,但叫餸時應詢問各人意見才決定,「如果小食可以接受,冇遲到或只遲幾分鐘或冇問就叫晒餸,有點唔禮貌」、「有人遲到就會叫一兩碟小食食住先,準時到嗰啲坐喺度等都會餓」、「叫一、兩個食住等冇所謂,叫晒就麻麻,除非同我熟到知我鍾意食咩」。

同場加映(香港01製圖)

同場加映:食飯切忌食出聲、坐順風車坐前座 網民熱議父母無教的禮貌行為

+9

同場加映:咕嚕肉、蒸肉餅 盤點網民20個最啱送飯餸菜 經典之最竟唔食得!

+16
你可能感興趣