搭乘巴士切勿坐樓梯，以免發生危險！有男乘客在社交平台貼相，顯示有大叔和男生在巴士行駛途中坐在樓梯間，即使樓主表明要下車，兩人亦未有理會讓開，最後被迫「搭過站」。有留言批評兩人行為自私，認為應即時向車長反映處理，「如果呢個情況車長都唔停低部車，咁個車長就100%可以投訴得」。不過有人提出質疑，「有無撳鐘先？」、「似作文」。

九巴2男坐樓梯　拒起身讓乘客下車

該男生在threads帳號上傳1張照片，顯示有大叔和年輕男生坐在巴士樓梯，兩人在梯間擺放個人物品，完全霸佔樓梯位置，明顯會影響上落，行車途中亦較易發生意外。樓主表示，當時曾出言勸兩人起身，可惜未被理會，「唔係我唔叫，而係佢哋唔肯起」。

乘客被迫「搭過站」

樓主透露，他當時搭乘九巴路線270B、1輛開往上水的巴士，但因為相中兩人拒絕離開樓梯緣故，他被迫「搭過站」，「本來我嘅計劃係去青沙轉車站落車，然後轉其他車繼續遊車河，而家都要去（粉嶺）花都廣場先得」，又指責兩人影響其他乘客下車，「我落唔到車都唔緊要呀，畀（其他）人落車都好啊」。

網民批2男自私　有人認出是「慣犯」

許多網民批評相中兩人行為自私，有人則認出相中人是「慣犯」，「上次去大西北追巴士見到佢，我搭506見到佢喺樓梯嗰邊停留，我叫佢借一借，佢都冇聽我講」。

「出咗聲都唔肯讓位，直接右邊位攝隻腳落樓梯」

「直接行啦驚乜，本身呢個位就唔畀坐」

「有啲pX唔X唔鬆化，唔使同佢哋客氣」

「係咪全個上層嘅乘客都唔落得車？」

阻X住晒，樓梯唔係要嚟坐㗎，坐少陣會死嘅！

網民質疑事件真偽：有無撳鐘先？

有留言認為遇到類似情況，應該大聲向車長求助，「叫司機哥哥停低幫一幫手先」、「大聲叫司機唔好開車住囉，點會落唔到車」、「如果呢個情況車長都唔停低部車，咁個車長就100%可以投訴得」；但有留言質疑樓主所言屬實與否，「零分重作」、「似作文」。

（threads＠rk4247_lover）