黑雨洗牙遲到 遭牙醫扣鐘只洗一半牙齒兼付全費 女顧客嬲爆投訴

撰文:卡洛兒
出版:更新:

惡劣天氣下遲到,令店舖未能提供完整服務,應否繼續收全費呢?熱帶風暴「獅子山」早前吹襲本港,天文台一度發出黑色暴雨警告及懸掛8號風球,有女網民發文指,黑雨當日下午如期到牙科診所洗牙,但較預約時間遲到15分鐘,在沒有事前通知下,原本45分鐘的洗牙時間被縮短至半小時,只能洗了其中一邊牙齒,惟付賬時卻被要求付全費,因而令她相當不滿。

有顧客因天雨關係預約洗牙遲到,遭牙醫扣鐘只洗一半牙齒,還要付全費,因而非常不滿。(GettyImages) 

下載「香港01」App ,即睇城中熱話

該網民日前在facebook發長文講述當天的經歷,指上周五(10月8日)中午12時45分原定預約了1間位於銅鑼灣的牙醫診所洗牙,但天雨關係而遲到15分鐘,雖然診所曾向客人強調不要遲多於15分鐘,否則會被取消及需改日子,但事主於12時28分已透過WhatsApp通知要遲到,診所僅回覆「OK 注意安全」。

事主於12時28分已透過WhatsApp通知要遲到,診所僅回覆「OK 注意安全」。(Facebook圖片)

事主到達診所後,在大廳等待約15分鐘才進洗牙房,但女職員只為她洗了其中一邊的牙齒,前後僅用了十多分鐘,並稱「今日洗唔晒,淨係洗咗一邊,你出去book過個日子再嚟過洗埋佢」。其後牙醫循例替事主檢查有否蛀牙或患牙周病,並着事主照X光片,由入洗牙房至事主付錢離開,整個過程約30分鐘。

事主與牙醫投訴對話截圖(節錄)▼▼▼

+2

其後事主直接私訊牙醫查詢,對方稱下次亦需要再付錢洗另一邊牙齒,並解釋因事主遲到15分鐘,所以會從原定45分鐘預約中扣除,又稱「咁你棚牙污糟又真係要洗2次,我當補多3個字畀你都洗唔完」。事主隨即反駁指,診所職員從未告知會「扣鐘」事宜,又提到上次曾在該診所等了大半個鐘,但對方竟回覆「你上次真係唔好彩」。

牙醫補充說明,由於事主遲到,診所先行為另一名顧客服務,而該診所每天都客滿,「如果一個客遲到15分鐘,我哋又同佢洗足鐘,下個客就要等返前一個客遲到嘅時間,之後每個客都同一樣loop落去,去到尾我哋仲要ot(加班)15分鐘」,稱這會對其他客人及職員們帶來麻煩,「所以我情願得罪一個遲到嘅客,而減少得罪之後嗰班準時嘅客」,更反斥事主「唔明點解遲到仲大大聲」。

爭論期間,牙醫都有嘗試提出下次洗牙收半價,及向事主退回「15分鐘的錢」,即167元,並承諾之後會叫職員向顧客說明遲到會「扣鐘」。惟事主似乎仍然不滿診所的做法,在帖文中怒罵他「非常唔專業亦唔尊重客人,收費混亂」,又稱「消費權益都要由他改寫,乜都可以隨便噏隨便改」,並呼籲大家小心中伏。

帖文引起網上熱議,不少網民批評牙醫診所做法無理,「聽都未聽過,洗牙分開2次洗,仲要畀2次錢?」,形容是「黑店」所為,又着事主向消費者委員會投訴。有人就認為事主遲到的確有錯,但診所亦應事先講明會「扣鐘」,「佢一開始檢查你口腔,都會知道唔夠時間洗啦,就應該直接同你講叫你下次準時嚟,洗一半擺明係玩你」。

請在《香港01》手機App把「熱爆話題」加入自選,緊貼全球各地最hit話題!(01製圖)

同場加映:港女坐Uber噴住消毒液上車影片瘋傳 司機喝止兼拒載獲網民力撐【點擊下圖放大即睇內容 ▼ ▼ ▼】

港女坐Uber噴住消毒液上車影片瘋傳 司機喝止兼拒載獲網民力撐

事發經過全記錄:

+3

同場加映:Staycation客狂數酒店8宗罪 批「成條城門河黑色」 遭網民恥笑【點擊下圖放大即睇內容 ▼ ▼ ▼】

Staycation客狂數酒店8宗罪 批「成條城門河黑色」 遭網民恥笑
+3
發表評論...