唔熟路開導航遭乘客狂怨 的士司機1個舉動霸氣趕客：十足我老婆
當的士司機遇上不熟悉的目的地，可能會開地圖導航，或者叫乘客幫忙指路。最近1名的士司機在網上發文，表示日前有女乘客在觀塘上車，表示要到「荃灣宜安街」，他稱自己不熟路和需要看地圖，乘客聽後不斷大罵指趕時間，「荃灣都唔識，你係的士司機喎」，司機忍無可忍，即時打開車門請乘客「搭下架」，並形容趕客的原因是對方態度太似自己妻子，笑言「好開心做咗啲屋企不能做嘅嘢」。
該名的士司機在facebook群組「的士司機資訊網 Taxi」發文，表示事發當天他在觀塘順緻苑落客，不足幾分鐘於順天邨路邊接客，還感歎自己好幸運。不過，女乘客一上車表示目的地為「荃灣宜安街」，司機感到疑惑，未曾聽過荃灣有宜安街，便回答指「唔好意思唔熟路，要睇Google」。女乘客聞言大為不滿，不斷強調自己趕時間，責罵司機說「荃灣都唔識，你係的士司機喎」。
樓主忍無可忍，最後直接打開車門，請女乘客改乘另一輛的士：「小姐，妳趕時間麻煩妳搭過第二部。」乘客一邊下車，一邊心有不忿繼續責罵「你九龍車，唔熟路點做司機呀」。樓主事後在帖文談及趕乘客下車的原因，直指對方的態度與其妻子非常相似，非常囉嗦之餘，又令人煩厭，「十分自我，只會睇到別人錯處，咬住人嘅錯處大條道理認為自己啱晒，絕不體諒人」。
樓主續指，估計女乘客是想坐的士到觀塘宜安街，再轉乘小巴到荃灣，一時心急說錯話，但當他想釐清目的地在哪裏時，對方卻一直「吱吱喳喳」，只好趕她下車，又指雖然今次失去一單很想接的生意，「但好開心做咗啲屋企不能做嘅嘢」。
大批網民在帖文留言，指若自己遇上同樣情況，也會使用地圖查找目的地，免生誤會，「我揸咗咁耐，我都唔知宜安街喺荃灣，所以司機行導航係冇錯」，也有部份網民笑言樓主趁機罵老婆猶如「玩命」，「師傅，唔好借個客嚟鬧老婆喎，唔work㗎」、「感受身同！共勉之」、「最鐘意你話似你老婆嗰part」。
同場加映：醉男電召的士誤拿$500鈔當$100付費 誠實司機用盡方法交還獲激讚
同場加映：的士司機幾錢車程先滿意？短途黑面過海嫌遠？行內人曝6大因素【點擊下圖放大即睇內容 ▼ ▼ ▼】