私家車泊出界連霸2個位 「有心人」留紙條鬧爆 一句話獲激讚

撰文:卡洛兒
出版:更新:

一車一位,泊過界隨時為別人帶來麻煩。近日網上熱傳一組照片,顯示1部黑色私家車在停車場內泊過界,連霸2個車位,疑有其他車主看不過眼,寫字條留言鬧爆司機,一句「泊出界,你畀兩份錢?」令網民紛紛讚好,指他不但構圖花盡心思,而且用最溫和的方法表達憤怒,「好過俾人直接拉花寫喺車度」。

近日網上熱傳一組照片,顯示1部黑色私家車在停車場內泊過界,連霸2個車位,疑有其他車主看不過眼,寫字條留言鬧爆司機。(FB「車cam L(香港群組)」圖片)

從照片可見,1部持中港牌的黑色8人車在有蓋停車場內停泊,惟泊過界佔用了2個車位,連車位分隔線都完美遮蓋。有其他車主疑不齒司機的行為,在車頭水撥夾住1張A4大小的紙張,並在四角寫上「低能、無恥、弱智、自私」,中間寫道「泊出界,你畀兩份錢?」。上載照片者則笑言「又唔使咁激動寫紙仔嘅」。

帖文一出獲網民熱烈討論,不少人都大讚留紙條的人做得好,「泊到咁,俾人鬧都應該」、「做得好,謝謝有紙有筆還用心寫嘢嘅人出現」、「幾有心呀,寫呢張嘢都要啲時間」,又指他排版靚、用字精,「作者已經好有禮,連粗口都冇句,仁慈」、「已經好溫文爾雅」、「有晒排版設計,讀過下design(設計)」。

不過帖文還引出1名聲稱「泊開呢個車場」的司機幫黑色車車主澄清,指本來車左邊的鄰位地上有大堆油漬或污迹,車場因而長期擺放雪糕筒達1星期,認為如果本身車位不開放,這樣泊過界問題不大,「佢在之前拍嗰啲車都係咁泊,咁而家冇咗個雪糕筒又俾人影相」。惟網民並不接受,「雪糕筒放在P63,咁佢泊P64,關佢乜事?」、「泊好在原有車位係本分!」、「如果係咁,考車考泊位嚟做咩」。

同場加映:私家車被黑線劃足半架車 留6個字提醒一件事 網民爆笑:好溫馨

+5
你可能感興趣