惡心!食米線驚見碗內有曱甴 炸魚臭到暈無食照收錢 食客不滿

撰文:謝茜嘉
出版:更新:

大大隻「小強」,見到立即食欲全無!有食客於網上發文表示,日前於長沙灣麗閣商場1間連鎖米線店用餐時不幸「中伏」,發現米線的腐竹附有1隻完整的反肚曱甴,他另外也點了碟炸魚,沒料到「臭到暈」。他不滿該店員工態度差劣,不耐煩地應答其要求,反映炸魚質素有問題後仍被收錢。《香港01》正就事件向涉事食店查詢。

有食客於網上發文表示,日前於長沙灣麗閣商場1間連鎖米線店用餐時不幸「中伏」,發現米線的腐竹附有1隻完整的反肚曱甴。(fb群組「飲食黑店大全(全港食店質素關注組)」圖片)

該名食客於fb群組「飲食黑店大全(全港食店質素關注組)」發文並貼出多張照片,他叫了碗魚腐蟹柳米線,卻於1塊腐竹上發現1隻完整的反肚曱甴,放大照片一看十分惡心,形容「條鬚長到嚇死人」。他小聲地喚店員,但對方待客態度差劣,「佢好唔耐煩咁應我咩呀,之後叫佢退,佢話好呀」。

樓主另外點了碟炸魚,但形容「條炸魚臭到暈,炸完都遮掩唔到嗰陣臭味,食都沒食就埋單」。他向店員反映炸魚很臭根本沒吃到,卻也被照收錢。從照片見到,該碟炸魚被翻弄過及夾起了魚肉,未知樓主實際是否有吃過。

網民留言揶揄「有機蛋白質」,有人指出「隻強會唔會太大隻?」、「即刻call食環署喇」、「咁樣嘅服務態度做乜嘢生意」、「仲畀錢,先生你厚道」、「唔好玩啦, 係我就唔會埋單,九唔搭八!我去食嘢畀隻曱甴我仲要我埋單?」、「呢間嘢長期冇人執枱,個樓面黑面到X街,最後1次食聽到好多吱吱聲唔敢再去」、「我自從去過荃灣間分店,我就以後無幫襯過,污糟、慢、員工唔合拍、麵線過硬」。