【泳兒演唱會】生日開騷完夢 泳兒望圓紅館夢邀Kenny做嘉賓 

撰文:
最後更新日期:

泳兒《重新感應》演唱會在她生日正日(16日)開唱,上下半場甫開始不久便有猛料,在泳兒分別唱《心呼吸》和《花心》時,都有身材健碩的男舞者跳鋼管舞伴舞,而泳兒亦有加入,雖然舞步沒有舞者複雜,但仍然相當性感誘人。

泳兒在唱《心呼吸》和《花心》時,亦有加入男舞者跳鋼管舞。(葉志明攝)

「今次演唱會我淨係揀咗一首人哋嘅歌,因為好多粉絲話想聽多啲我唱嘅歌。但我想送呢首歌送畀一啲支持咗我好耐嘅粉絲,無論係一開波就支持我嘅,定係中途加入鍾意我嘅,我都好感謝出道13年有你哋支持我!」說罷,便唱出莫文蔚的《慢慢喜歡你》。畫風一轉,泳兒從性感薄紗裙換上桃紅背心外套、高腰短牛仔褲,在4位女舞蹈員的伴舞下,加入唱跳表演了一系列的歌曲,包括《小蠻腰》、《烈焰紅唇》。

在這段「Dance Medley」中,泳兒跳得相當起勁!(葉志明攝)

接下來又是嘉賓環節,即使大家都知道關智斌(Kenny)是嘉賓,但聽到二人合唱《預言書》時,全場仍尖叫聲不絕。唱畢後,泳兒向Kenny分享唱《預言書》時的感動,歌中訴說的高山低谷讓她有感,卻又不想讓氣氛太悲傷,便話鋒一轉向他道謝:「我知道你今日本身有嘢做嘅,突登為我騰咗呢個空檔出嚟!」Kenny不改幽默本色回答:「唔好咁講啦,講到好似好忙咁。」讓泳兒忍不住大笑,他續問:「不過我好好奇點解你會邀請我做嘉賓,因為其實我哋都冇乜交集。」一陣搞笑後,泳兒便剖白:「我今日會請你做嘉賓嘅另一個原因,其實係有少少私心嘅,因為你上年10月都喺Star Hall有一個演唱會,下一年你就有紅館演唱會,所以我諗住可以沾少少你嘅福氣!」便向Kenny的胸肌伸出魔爪,力度之輕讓Kenny也忍不住助攻,捉住泳兒的手放到自己的胸肌上:「乜你咁內斂嘅!你冇學你啲師姐咩?」便帶領全場歌迷唱生日歌為泳兒慶生,便引起歌迷起哄要求「咀一啖」。

Kenny現身合唱《預言書》。(葉志明攝)

開完玩笑後,Kenny便貼心的拿出親自挑選和組裝的「紅館模型」送給泳兒:「因為我知道你有一個大舞台嘅夢想,我今日晏就自己砌,但砌完發現佢真係好小。」因為模型的體積真的很小,讓Kenny不好意思的請鏡頭Zoom近一點,再問泳兒:「呢個係咩地方?」泳兒接過禮物後說:「呢個係每個香港歌手都夢寐以求嘅紅館呀!」Kenny續言:「咁你唔使沾我啦,我依家送呢個小小嘅紅館畀你,你遲啲再上去就再送個大嘅畀你!」,便在泳兒換裝時獨唱了《眼紅館》。

Kenny親手砌了「紅館」模式送給泳兒作生日禮物,亦是對她夢想的一份祝福。(葉志明攝)

換上充滿設計感的燈紅色長裙,泳兒便先和歌迷分享自失聲以來的心路歷程:「今年年頭我許咗一個願望,好想今年可以開一個個人演唱會,雖然唔係第一次開演唱會,但就已經3年冇用呢個形式同大家見面。」回想起無故失聲、爛面的日子,泳兒感觸落淚:「但係無論遇到幾多挫折,都要保持信念,相信自己可以捱過去!多謝身邊嘅朋友,跌得幾甘都唔緊要,識得爬返起身就可以!」便為歌迷帶來最後兩首歌《一撇》和《感應》。

能再唱歌後,泳兒最想開個人騷和歌迷分享。(葉志明攝)

演唱會完結,方力申和Kenny再次現身為泳兒慶生,二人更為壽星女送上賀吻。被問到經歷失聲再開演唱會,是否別有一番滋味,泳兒表示:「失聲嘅時候真係好徬徨,因為搵唔到咩原因導致(失聲),又唔知幾時可以再唱返歌。到唱到歌,我又唔知自己可唔可以唱完一個演唱會,所以當我有返聲音,我真係好想用演唱會同大家分享!」又說,原本想安排個唱於11月舉行,但因場館檔期問題,最後竟能在生日當天開騷,或許真是上天安排的生日禮物。

+22
+21
+20


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。