【新城勁爆2019】MIRROR勢做最強新人 ERROR:唔使搲飛睇頒獎禮

撰文:
最後更新日期:

《新城勁爆頒獎禮2019》昨日(10/12)舉行記者會,因社會氣氛未明朗,新城電台早前宣布取消今年實體頒獎禮,改為數碼化頒獎禮,並將於12月28號透過Facebook直播頒發最後的大獎。

MIRROR成員Lokman,AK以及ERROR成員阿DEE、193,保錡現身記者會。(陳順禎攝)

MIRROR、ERROR一同現身記者會,屬樂壇新人的他們遇上頒獎禮取消,未能親身參與盛事,MIRROR副隊長AK(江熚生)說:「有幸提名新人獎已經好開心,可以出席到就更加榮幸,但都要尊重大會決定。」隊長Lokman(楊樂文)認為停辦影響不大:「唔只影響我哋,全部人都有影響,咁係咪即係冇影響呢?」ERROR在旁聽到後,成員193即笑言:「我今日真係學到好多嘢,講嘢可以咁官腔。」保錡代表ERROR表示:「你哋肯摻我玩已經好開心,我從來冇諗過可以出現喺度,呢個係奇蹟。」

由網民投選的「我撐新人」中,MIRROR暫時領先,走勢相當強勁,而第二、第三名都分別由MIRROR成員姜濤及Ian(陳卓賢)包辦,Lokman對獎項保持平常心,一切隨緣。AK說有提名經已好開心:「花姐叫我哋謙虛。上年到而家,所有嘢發生得好快,對頒獎禮嘅模式都好陌生,但攞到就仲開心。」ERROR雖然未獲提名,但保錡搞笑地話:「今年終於唔使搲飛睇頒獎禮。」保錡是發自內心地對能參與樂壇盛事表示興奮,相信在將來的日子會看到ERROR站在頒獎禮舞台上。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。