港女美甲後因一事惹同事不滿 被狠批極麻煩!網民:冇個男人鍾意

撰文:李樂瑤
出版:更新:

女生有多愛美?由頭髮護理、妝容、服飾,以及美甲等等細節中都毫不保留!而美甲的意義絕不僅僅在於讓指甲更漂亮,俗語有云:「手是女人第二張臉」,可見指尖代表的精緻感,不僅代表了女生愛美的程度,更代表女生的品味!

對於美甲,你會偏好華麗、韓系素雅、歐美誇張還是個性手繪風格呢?不過,近日在香港討論區中出現了與美甲有關的帖文《女同事話佢整完指甲之後咩都做唔到》,事主與網民熱議,並發表對美甲的想法。

美甲款式多多(《德魯納酒店》劇照)

事主不滿港女美甲後的工作行為 港女:「整完指甲咩都做唔到」

事主於討論區中,投訴女同事在辦公室中的工作行為及態度造成滋擾。

隔籬位個女同事全日係到用語音輸入法,佢明明識打字都要用語音打字,星期一已經夠忟架啦!佢仲要係咁講野,又唔知自己有懶音搞到佢有啲字要講幾次先出到正字,搞到我成朝都冇心機做野!
事主

事主表示在午膳期間詢問女同事為何要使用語音輸入法,女同事的回應令人哭笑不得,女同事指因為早前完成美甲,擔心美甲會因打字太大力而整花。

自己第一次整指甲,所以要好鍚住啲指甲,估唔到整完指甲會咩都做唔到咁唔方便
女同事

事主聽後更為憤怒,狠批女同事麻煩,指自己女朋友亦有美甲,連汽水罐都能夠自己打開,並沒有任何問題

事主大為憤怒,狠批女同事麻煩!(截自香港討論區《女同事話佢整完指甲之後咩都做唔到》)

事主經歷令人同情 網民熱議:「難睇,身邊冇個男人鐘意」

事主的帖文一出,引起不少網民熱議。網民一面倒地同情事主經歷,不少人直指女同事的工作態度並不能夠接受,直指:「咁都唔炒?公司喜歡冗員」、「炒啦」、「叫佢放假」、「唔做野的職員即係炒得,失去工作能力又係炒得」,亦有一些較激進的網民指事主應該「教導」女同事︰「強行用指甲鉗幫佢剪走晒去」、「叫佢揸住2支筆,打!」

同情聲音此起彼落之外,當中亦有一些女網民分享個人經驗,指女同事屬於冰山一角:「唔關事架喎,整左都照打到字」、「我都有整,但唔應該影響人哋」

▼▼▼【按圖看更多】網民熱議反應 ▼▼▼

美甲討論爭議不休!網:「係咪所有男人都唔鍾意條女gel甲」

除了討論女同事的不認真工作態度,網民亦有對美甲發表個人意見:「大部分美甲係平嘢,唔係點會咁難睇,我身邊冇個男人鍾意」、「整靚用嚟勾佬」、「整靚用嚟偷懶」等

▼▼▼【按圖看更多】網民熱議反應 ▼▼▼

其實網絡間相隔一段時間,就會掀起一股對於女生美甲的爭議,曾經在連登中出現的《係咪所有男人都唔鍾意條女gel甲》,不少網民都反對女生美甲:「真係想一拳打落佢塊面度」、「靚既唔洗攪咁多」、「gel 完變廢人咁!乜都要人代勞,尤其痴咗延長假甲!」、「女人味唔係可以單靠啲怪獸指甲就可以堆砌出嚟嘅」等。

美甲真的如此影響生活嗎?(《愛·回家之開心速遞》劇照)

美甲真的如此影響生活嗎?筆者則認為其實並不是的,過份愛護而影響他人的主因可能是美甲款式並不合宜!眼見不少有美甲習慣的女生都可以如常生活,例如做家務、打字、健身運動等。美甲都是展露個人穿搭的一環,女生對此會份外上心亦是理解之事,但應該因應自身的工作及生活習慣而挑選,有些工種,例如老師、工藝師、攝影師等並不能夠做出過長或過於誇張的美甲般。

資料來源:香港討論區@《女同事話佢整完指甲之後咩都做唔到》、連登@《係咪所有男人都唔鍾意條女gel甲》