強拍香檳大廈│前建築師接手尖沙咀僅存辦館 轉型網購嘆難阻發展

撰文:呂諾君
出版:更新:

過往香港有不少小型辦館和雜貨店,惟近年相繼被超級市場和商場取代。有一間有逾半世紀歷史的辦館,至今仍隱身於尖沙咀鬧市,位置正是在近日被申請強拍的香檳大廈地庫之中。
開業已52年的波記糧食,售賣各式各樣的糧油雜貨。別看它面積小小,一些知名食肆如香港老飯店、新同樂以及多間韓國餐廳都有向他們取貨;波記第二代負責人更是放棄當建築師和警隊督察,回來接手家族事業。隨着香檳大廈被收購、強拍、不日清拆重建,為了適應時代,小商戶離開香檳之後又何去何從?
【強拍香檳大廈見證者之三】

在燈光昏暗的地庫之中,一個白底紅字的招牌寫着「波記」二字,走進裏面可見到吊扇、木梯、紙皮石地板,兩邊貨架上有林林總總的罐頭和醬酒,櫃檯前的陳建峯(Andrew)就是這間波記糧食的第二代負責人。數十年來,店內除了加裝閉路電視和冷氣機等,格局以至規模大致相若,而Andrew的童年,大部分時間都在店內度過。

+1
「細個感覺冇咁大嘅,係一個生活嘅地方囉,不過以前呢度(香檳大廈地庫)有好多小朋友,成班都一齊玩,湊張木枱就喺度打乒乓波。」
波記糧食第二代負責人陳建峯(Andrew)

前舖後居住貨倉閣樓 留學回港接手店舖

「細個感覺冇咁大嘅,係一個生活嘅地方囉,不過以前呢度(香檳大廈地庫)有好多小朋友,成班都一齊玩,湊張木枱就喺度打乒乓波。」Andrew憶述,當年香檳大廈的地庫有不少傳統行業店舖,木工、裱字畫、造鞋、打金工場,還有一間夜總會,「我哋以前有個倉係租畀佢哋(夜總會員工)落場用。」前舖後居的他自嬰兒時期起,便與家人住在貨倉的小閣樓。長大後他才知道,香檳大廈曾是全九龍區最高的建築物,設計出自著名建築師甘洺(Eric Cumine)之手,「相信以前係比較富有嘅人先住到,雖然仲有啲痕跡,但其實睇返都難以置信。」

說起話來文質彬彬的Andrew,年少時曾在美國柏克萊大學修讀建築,回港後曾在著名建築師樓任職,也曾當過警務督察,但在2008年,他決定回家接手店舖,「去咗美國成11年,大部分時間都唔喺香港,就當係彌補返同屋企人一齊......父母其實都好矛盾,一邊諗咁辛苦供你讀書就係唔想我辛苦做返呢行,但心入面又開心,始終想有人承繼佢呢個事業。」

由童年時代前舖後居、到現時接手家族生意,Andrew對此處的感情十分深厚,「由細到大不知不覺間建立咗關係......呢度係一間舖,但係係一間活生生嘅舖。」 (呂諾君攝)

尖沙咀現存唯一舊式雜貨店 韓國人是常客

在這個曾經以一樓一鳳聞名的「性地」,Andrew曾目睹有鳳姐被打劫追至地庫,也有樓上「客人」跌了銀包在天井要借梯拾回的趣事,但他形容,在大廈內、雜貨店內的生活其實很平淡,最深刻的事要數曾見着電影《野獸刑警》在此處拍攝。皆因所有事早已變成生活點滴,「喺呢度係覺得自在囉,個環境對咗咁多年有感情,由細到大不知不覺間建立咗關係......呢度係一間舖,但係係一間活生生嘅舖。」

現時Andrew每天早上8時半就會回店開舖,接電話落單、執貨、送貨,直至下午5時半截單。」除了供應給區內區外的食肆,在尖沙咀居住的韓國人、南亞裔人士多年來也是常客,「知道佢哋要啲咩貨可以專登入,家庭式經營有彈性,幫到手咪幫。」除了因為售價相宜,也因Andrew的父母十分好客友善,每到午飯時間他們在店內開飯,總會有不同街坊加入餐桌。Andrew又指 ,當年尖沙區有7至8間雜貨舖,到現時只剩下他們最後一間,「以前加連威老道都好多雜貨舖,但如果間舖係自己嘅,不如索性唔好做、租出去算啦。」就如以往的同順興雜貨店,現時變了樓高17層的同順興商業大廈,「點解棟大廈個名好old school,原來佢本身係雜貨舖」,他笑說。

在父母身上,Andrew學到如何與客人保持長期、友善的關係。(呂諾君攝)
「第時起咗新地方,就算佢肯租你都唔會afford得到,冇理由租個The One嚟做雜貨店啫。」
波記糧食第二代負責人陳建峯(Andrew)

轉型抗發展巨輪 即將遷到葵涌工廈經營

由過去的社會變遷談到現時發展,波記糧食能留在香檳大廈的日子,亦正在倒數。Andrew表示,兩年多前大廈被恒基收購的業權已超過八成,因此他與父母亦將店舖和貨倉的舖位賣出,唯一條件是要業主繼續出租舖位直至大廈清拆,「賠償合唔合理就睇你點睇啦,我爸爸就覺得嗰時咁平買返嚟,又用咗3、40年......唔係淨係睇一樣嘢嘅,到最後發展商要收購,佢都已經過咗八成,你有得揀咩?」

他認為,社會發展是個大趨勢,不會因為大家擁有小部分物業就能阻擋,「第時起咗新地方,就算佢肯租你都唔會afford得到,冇理由租個The One嚟做雜貨店啫。」Andrew表示,他們於年初開設了網站開始網購生意,亦開設了Facebook專頁宣傳,透露至今反應不錯,又指未來計劃搬到葵涌工廈繼續經營糧油雜貨。由昔日以一部手推車走天涯,到日後call車包辦外區生意,這種轉型或已是對時代巨輪的最大抵抗。