【又係領展】沙田新翠街市翻新後「唔見咗」 街坊肉隨砧板上

撰文:
最後更新日期:

大埔富善街市翻新過後,面積「縮水」一半,本來屬街市、約7000呎的範圍被領展租予冒險樂園,引來區議員炮轟。不過,「翻新不似預期」的並不只有富善街市,沙田新翠邨整個街市,亦在翻新過程中消失得無影無蹤。

沙田區區議員李世鴻指,新翠邨街市規模本來就不大,客觀來說經營環境亦較差,故早在幾年前,領展已有意將邨內街市改作其他用途:「幾年前佢都計劃緊收返,但冇講實會點安排,冇定案。」領展後來雖有跟部分街市商販續約,但亦將街市部分範圍改租予大型超級市場。

街市原來位置現時租予美心,但當區區議員李世鴻指,他們是2、3個月前才得知消息。(互聯網圖片)

約滿後,商販全數不獲續約,翻新工程亦隨之展開,但想不到的是,工程過後,新翠邨就再無街市。「佢冇對外界表示翻新工程會點進行,我哋都係2、3個月前先知道,剩低個位會開美心。」李世鴻指,當時邨內未有太強烈的抗爭意志,以致沒太多行動保留街市:「領展依家就係盡量唔畀你知佢下一步會做咩,居民不滿會反對,唔出聲嘅話,反響好有限。」

新翠街市在翻新過程中消失得無影無蹤。(資料圖片)

現時新翠邨的居民要買餸,需要到附近的隆亨邨街市,或大圍街市購物。「有個別街坊已經習慣咗,有啲仲鍾意搭車出去買,係有時返到去發現買漏咗嘢麻煩啲。」不過李世鴻指,這仍對邨內的長者或行動不便人士構成不便:「所以之前(新翠邨街市)啲餸加到幾貴都照買。」

對於大埔區區議員任啟邦提出,希望房屋署獨立審查組跟進領展改動街市是否有違地契的建議,李世鴻的態度較消極:「地契上面寫要提供服務畀居民,其實好虛無,上面冇講要提供乜嘢、提供唔到會點、係唔係必須提供。」他認為房署不覺自己有監察領展的責任,而住在受影響的屋邨居民亦是「肉隨砧板上」:「依家冇乜可以做,賣咗出去嘅商場就好似撥咗出去嘅水。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。