【武漢肺炎】酒樓食飯送口罩吸客仍生意減半 食客:好似冇咁貴

撰文:
最後更新日期:

武漢肺炎疫情在全球持續擴大,社區人心惶惶,正當全城瘋搶購口罩之際,屯門區就有酒樓就以派口罩作招徠,希望吸引食客光顧,同時幫助社區。有酒樓熟客表示,並非為口罩前來光顧,不過認為有口罩派「飲茶開心啲囉,餐飯好似冇咁貴咁」。惟酒樓職員透露,新措施並未有刺激人流,近月生意減半,「叫做勉強維持住咁囉」。

十萬元購入兩萬個越南口罩

零售業近期受新型肺炎打擊,情況嚴峻,行業步入寒冬。適逢社會人人「一罩難求」,位於屯門的星匯酒家,就推出新措施「吸客」,惠顧午時起的客人可換購一個口罩。酒樓老闆麥先生指月初以10.8萬大手購入2萬個越南製造的口罩,他指「知道區內好多人都買唔到口罩啊,希望叫做盡啲棉力囉!」

夜晚只有幾枱客

惟有職員表示,雖然酒樓有口罩派,但對人流及生意都沒有太大幫助,坦言「啲人都係驚,人流同生意都少咗一半,酒樓大半個月都冇開過大房,夜晚都係得幾枱咋」。職員指,酒樓購入口罩,每日都會分一個予員工,預料可以派發多4至5日。

食客邵小姐表示平日都會到酒家飲茶,並非因有口罩派而光顧,惟她認為「酒樓幾好嘅,好有良知,開心啲囉,好似飲個茶都叫冇咁貴啊嘛!」她又批評區內藥房「趁火打劫」,有藥房賣360元50個口罩,實在難以購買口罩。

新措施並非個個食客都能取得口罩,食客梁小姐表示即使得悉酒樓有口罩派,但由於平日與友人慣常飲早茶,所以都未有特意為口罩更改用膳時間。惟梁小姐稱近日實在「好難買口罩,全部俾人買哂」,認為酒家將口罩給予有需要的人,是十分好的措施。

▼疫症下的香港 不正常的日常▼

+10
+10
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。