新冠肺炎|晚市禁堂食放寬 食肆生意天與地 火鍋店即爆滿排長龍

撰文:
最後更新日期:

新冠肺炎疫情有所緩和,今日起晚市禁堂食令,從6點放寬至9點。《香港01》一連兩日到旺角視察,昨日已經停業多時的火鍋店開始為開舖準備,今日旺角創興廣場,未到晚上6時,升降機已經充斥著火鍋湯底的香氣。其中一所食店的老闆謝先生坦言喜出望外,「大家都餓咗打邊爐太耐,昨晚已經好多人預訂,但係限制9時要交場,如果8點鐘有客嚟到都冇得食,好可惜。」他寄望疫情繼續向下,港府可以取消晚市堂食禁令。

延伸閱讀:
新冠肺炎|堂食令放寬 蘇豪區昨日凋零 今日Happy Hour繁華再現

火鍋店無晚市難經營 曾全日停業

晚間堂食限制於7月至今持續,港府決定於今晚有所放寬,食肆堂食可以營業至晚上9時,早前,因限制而未能營業的火鍋店陸續重開,於旺角創興廣場的開設火鍋店的謝先生於昨日( 27日)返回店內準備。

白交50萬租

他坦言疫情至今多個月,上個月初更加不能營業,但業主未有調低租金,每月白白花上近50萬租金、人工等雜費開支,非常擔心,多少晚上徹夜難眠,已經減了5公斤,雖然明白到開業之後只能夠做一輪生意,也要「搏一搏」,「其實開返都有風險,因為一枱只能夠坐兩個人,仲要只係可以做一輪生意,做到足都只能夠招呼約60枱客,但係好多夥計都要搵食,我都要向佢哋交代,點都要開。」

▼8月28日 放寬食肆晚市堂食 旺角盛況▼

+7
+7
+7

▼8月27日 放寬食肆晚市堂食前夕 旺角情況▼

+6
+6
+6

晚市只可做一輪 食客更易聚集

他續説,由於公司經營模式以「實惠」取勝,一百多元可以任食兩小時,一定以人流取勝,因此早前未有開始午市,擔心不足以彌補支出,但現時的限制下,食店難以保證人流維持高水平,經營依然非常困難,並且難以理解政府的限聚令設定原因,「最難理解嘅係點解要九點就唔食得呢?夜啲係多啲菌咩?點解唔係10點、11點呢?同埋因素兩個人不原因係啲乜嘢呢?如果開返長啲,分散人流唔係做好啲咩?」

他慨嘆多次向業界議員查詢,爭取放寬,但查詢多次亦杳無音信,非常可惜,「呢個政府嘅政策好離地,佢哋去其中一間食肆去睇吓就知咩事㗎啦,我哋經營真係好難。」他估計從開手日生意將會不錯,但由於限制下,只能裝滿以往一半人流,加上時間限制下不能「返枱」,生意額大減。

今日生意爆滿 街道迅速變旺

今日下午5時許,記者再度到謝先生的火鍋店作訪問,外面的升降機已經充斥着陣陣的火鍋湯底香氣,一向以來香港人的晚飯時間大約為晚上七時至八時,但未到晚上六時,謝先生的食店已經坐滿超過七成客人,他直言喜出望外,「昨日訂枱都已經訂爆,真係多咗好多人出街,大家都餓太耐啦,所以大家都做得好精神,但係若果見到有客人晚上八點嚟到食唔到,我又做唔到生意,真係好可惜。」

他又說,一向以來客人較少會於下午四時多到來晚飯吃火鍋,但今日不少客人擔心用餐時間不足,紛紛於五時多入席,多年來首次親自目睹,感到有點出奇。

8月28日,為禁堂食令放寬首日,旺角朗豪坊的食店人頭湧湧。(羅君豪攝)

▼8月28日 放寬食肆晚市堂食 蘇豪區盛況▼

▼8月27日 放寬食肆晚市堂食前夕 蘇豪區情況▼

+3
+3
+3

▼18區社區檢測中心一覽▼

+12
+12
+12

▼8.28起重開及仍關閉處所一覽▼

+10
+10
+10

▼01實測咽喉拭子採樣▼



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。