鯉魚門市場設檢測車 街坊憂現金交易播毒 摸完會「洗錢」消毒

撰文:孔繁栩
出版:更新:

本港新冠肺炎疫情持續,油塘鯉魚門市場先後有至少3名患者到訪,被衞生防護中心列入強制檢測範圍,政府今日(6日)在街市外設流動檢測車。
下午起有逾50名市民排隊輪候檢測,有經常到街市買餸的長者表示,街市只有現金交易,觸摸完散銀,會用市場內洗手盤將硬幣清洗再消毒;亦有主婦建議該街市應暫時關閉大清洗,讓居民安心。

居民曾伯︰每次觸摸散紙後都會洗手及「洗錢」

現年75歲的居民曾伯表示,家住單位鄰近確診大廈油塘邨華塘樓,加上他每日都會到鯉魚門街市買餸,「雖然入去買餸好快返出嚟,橫掂今日有車嚟,咪求個安心囉。我今次係第3次驗架喇,唔使有事先嚟頭痕」。

曾伯指,街市內商戶不設八達通支付系統,只收現金,自己在街市購物後,觸摸過散紙後都洗手及「洗錢」,「街市入面有洗手盤,會濕一濕啲銀仔先,再用消毒液捽一捽,以防萬一,始終危險丫嘛」

疫情雖然反覆,但曾伯未有計劃接種疫苗,「我哋咁大年紀,而且糖尿食緊藥,新聞又咁多報道,睇清楚先啦,等啲後生打咗先」。

劉太︰街市如能關閉消毒會更安心

家庭主婦劉太就指,自己隔天就到街市買菜,亦會光顧街市內食肆,她指街市環境衞生「唔差」通風好,「雖然風險唔算高,但測咗安心啲」。

劉太續稱,街市主要用現金交易,「啲菌無法避免,無得驚」,惟有做好防疫措施,暫時減少入街市進食。她又認為,街市如能關閉消毒會更安心。

▼4月1日起防疫措施安排及商討旅遊氣泡▼

+11

▼4月6日 市民進入未開放的大埔龍尾泳灘堆沙嬉水▼

+22