晚市禁堂食|市民連走兩場趕死線:聽日開始要踎喺公園飲酒

撰文:梁煥敏
出版:更新:

香港第五波疫情一觸即發,由周五(7日)凌晨零時起,食肆於晚上6時至翌日上午4時59分禁止堂食;酒吧、卡拉OK等處所內表演要暫停或暫停開放,暫定實施兩個星期。
《香港01》到尖沙咀留意市民在禁晚間堂食前的情況,街上人流眾多,不少市民趕及「最後一晚堂食」,有市民說,「得返一日,聽日要閉關,點都要出嚟玩!聽日要踎喺公園飲酒!」
有酒吧負責人說,今日的客人較以往多六成,單價又多五成,叫滿一枱酒精飲品,「大家好似要行動證明,聽日開始冇飯食冇得去玩。」

1月6日最後晚市堂食、尖沙咀諾士佛台情況:

+6
Victor與朋友連走兩場,先到餐廳吃串燒,再到酒吧玩樂,他說,「冇辦法,聽日開始要閉關。」(梁煥敏攝)

新冠肺炎變種病毒omicron殺入社區,香港第五波疫情一觸即發。由周五(7日)凌晨零時起,食肆於晚上6時至翌日上午4時59分禁止堂食;B、C、D類食肆每枱人數分別減至2、4、6人,酒吧、會所、卡拉OK及麻雀館15類等處所內表演要暫停或暫停開放,暫定實施兩個星期。

梁煥敏攝

市民:今日唔玩唔知幾時有得玩

《香港01》到尖沙咀視察市民在禁晚市堂食前「最後一餐」的情況,市民Victor坦言想趕及最後一日盡興「連走兩場」,先去吃串燒飲清酒,再去酒吧耍樂,不捨回家,「得返一日,聽日又要閉關冇得食飯,今日唔玩唔知幾時有得玩。」

其同行朋友亦接著説,「聽日開始要痞喺公園飲酒啦!始終唔係人人屋企方便去。」二人表示已經習慣抗疫生活,但始終長期留在家中感到苦悶,外出飲酒氣氛不同,感受到「人氣」,希望趕及到酒吧感受熱鬧氣氛,與朋友談天說地。

在諾士佛台經營數間酒吧的Alan,一整夜非常忙碌招呼到來的客人,他說今日的人流比較平時的周四多六成。(梁煥敏攝)

酒吧的生意非常暢旺,儘管明日「打工仔們」仍然要上班工作,諾士佛台人流暢旺,不少餐廳高朋滿座。在諾士佛台經營數間酒吧的Alan,一整夜非常忙碌招呼到來的客人,他說今日的人流比較平時的周四多六成,晚上10點已「截人龍」,「啲客好似覺得聽日開始餐廳會唔開,真係好多人,而且好多人嗌一整支紅酒白酒,平均單價都多五成。」

他說,嚴謹的防疫措施生效,的確令他感到無奈及手足無措,但擔心酒吧營業可能會構成風險,後果更加嚴重,只好認同政府呼籲,「我哋都預咗新年冇得做,但希望真係兩個禮拜就搞掂,算俾一個希望我。」

另外,不少餐廳人流眾多,晚上九時仍然有不少食客在餐廳門外等候內進,其中一間日本餐廳的職員表示,今日的客人比較以往平日多,但比較意料之外的,是不少客人叫滿一枱食物,夠以往誇張,好像要吃得飽飽待「閉關」似的,「大家好似唔習慣咁,不停叫嘢食,好似聽日開始餐廳執晒咁。」

你可能感興趣