疫情|高永文反對「躺平」提早鬆綁 不點名批評專家學者製造恐慌

撰文:孔繁栩
出版:更新:

本港疫情反彈,行政會議成員、前食物及衞生局局長高永文今日(4日)指出,嚴重及危殆病人過去一個月內已上升三倍,認為不能漠視本港確診趨勢,反對採取「躺平」,拒絕「放手由佢爆一爆」,強調疫情「流感化」屬言之尚早,亦不贊成提早解除防疫措施。

高永文又不點名批評部份醫學專家及學者,主張放寬社交距離措施、可等待新疫苗才椄種、及疫苗對人體影響等意見,指摘相關言論造成恐慌,提醒「愈有權威專家,要明白講一樣嘢出嚟係乜嘢用意。」

曾為食物及衞生局局長高永文在會上發言時,主要向韓正講解香港在新型肺炎的抗疫經驗。

高永文在商台《政好星期天》表示,本港嚴重及危殆病人,在一個月內增加兩至三倍,醫管局及私家醫院服務受影響,他指有一派人重視社會運作及復常遠景,認為眼前確診數字並不重要,甚至覺得染疫可提高保護水平,只要接種率夠高就可以仿傚西方國家。

指疫情「流感化」言之過早

不過,他強調:「躺平係咪成功呢? 即使穩定咗,但過去兩、三年傷亡慘重,付出代價,部份國家仍然反覆。」他稱,認同要回復正常生活及經濟活動,但不能假設任由新冠病毒爆變會變成流感,認為「流感化」是言之過早,「唔可以放手由佢爆一爆」,亦不贊成提早解除防疫措施。

▼直擊享維港海景啟德方艙醫院▼

+14
「如果依個時候唔係強調公立醫院頻臨崩潰,而係不如早啲睇下幾時走出疫情,幾時可以放鬆埋淨返嘅措施,或染疫都無乜問題嘅,咁公眾接收嘅訊息係咩呢?就係『仲打咩針啫』,正如有啲專家話唔好再提邊種好啲,或者睇下有無新又有效嘅針,你提得太多,公眾都係話『我唔打呢隻喇,等嗰隻嚟啦』,咁係唔啱嘅。」
前食物及衞生局局長高永文9月4日電台言論

「愈有權威專家,要明白講一樣嘢,講出嚟係乜嘢用意」

高永文又對個別專家及學者言論有意見,他指有人主張放鬆防疫措施,會令公眾以為毋須打針,「如果依個時候唔係強調公立醫院頻臨崩潰,而係不如早啲睇下幾時走出疫情,幾時可以放鬆埋淨返嘅措施,或染疫都無乜問題嘅,咁公眾接收嘅訊息係咩呢?就係『仲打咩針啫』,正如有啲專家話唔好再提邊種好啲,或者睇下有無新又有效嘅針,你提得太多,公眾都係話『我唔打呢隻喇,等嗰隻嚟啦』,咁係唔啱嘅。」

「開始有某種疫苗,有權威嘅大學證明對人有另一方面影響,我唔想過份講呢啲,如果係咁,又引起恐慌,令人覺得不如唔好打住,令家長無所適從。」
前食物及衞生局局長高永文9月4日電台言論

他又不滿,「開始有某種疫苗,有權威嘅大學證明對人有另一方面影響,我唔想過份講呢啲,如果係咁,又引起恐慌,令人覺得不如唔好打住,令家長無所適從」,他再三強調,「如果社會要接收到緊急打針訊息,與此同時唔好太過份強調『就完喇、唔使驚喇』,應該大家要明白去講一樣嘢係咩用意,但公眾接收到咩訊息」,重申「愈有權威專家,要明白講一樣嘢,講出嚟係乜嘢用意。」

政府將公布調低疫苗疫通行證適用年齡,高永文指支持政府推動幼童打針,相信會考慮不同方法便利市民。就政府研究「逆向隔離」,他相信有機會做到,但措施離只是幫助部份北上人士,未必對旅遊業有幫助。

▼8月11日 九龍婦女聯會舉行長幼新冠疫苗接種日▼

+6

組織大灣區醫療考察團 料11月底考察內地

就推動香港融入大灣區,高永文希望香港醫療體系可以提升區內醫療質素,他已與醫療專家、學者及醫療集團組成大灣區醫療考察團,預計走訪澳門、橫琴、珠海、中山、南沙、深圳等,暫定11月底出發。

他又指,疫情下可見內地醫學領域的強項,惟部份醫療同業因不認識及沒有接觸內地,存有誤解,但內地動員援港、短時間建設設施、加強檢疫能力,及中西醫合作等,「充份令人睇到醫護嘅專業精神,同香港血濃於水」,希有機會讓同業有正確看法。