元朗婆婆將3貓放入透明膠袋　疑中途落車棄垃圾站　小貓下落不明

元朗疑有人於垃圾站棄貓！今日（29日）有網民上載一張圖片顯示，一名老婦用大型透明膠袋載着3隻小貓，膠袋開口位更用紅繩綁着。她登上小巴後引起其他乘客關注，相中的小貓仍「眼仔碌碌」並依偎在一起。
據網民指，該名婆婆乘坐小巴至元朗大樹下近塘頭埔村一帶，當時婆婆中途突然落小巴，並將3隻小貓棄於垃圾站一帶位置，她疑似棄貓後立即返回小巴，上車後她續稱：「無咁多野食俾佢地，仲有兩隻捉唔到！」網民估計婆婆有機會再次棄貓。事後網民交代指，曾有好心人現場尋貓，惟未見小貓蹤影，只見膠袋已被解開。

該名網民上載相片後，引起不少網民熱議，有人批評當時人未有及時營救，亦有人希望小貓已經被救走。根據《第421章狂犬病條例》，動物畜養人如無合理解釋而棄掉其動物，即屬犯罪，可處罰款$10,000及監禁6個月。

記者今日下午到涉事元朗大樹下近塘頭埔村垃圾站視察，疑為老婦棄貓的地點頗為偏僻，附近設有攝錄系統監察。在塘頭埔村附近工作的周小姐經常到涉事垃圾站掉垃圾，對事件深感驚訝「如果畀我見到，我會放咗佢（棄貓）」﹑「點解特登嚟呢到，大把地方可以掉啦垃圾站」。另外，周小姐表示平日不察覺附近有流浪貓狗岀入，直言垃圾站「老鼠就多」。

在附近擺檔買小食不願上鏡的麥同學則認為老婦的行為殘忍「有啲衰，一隻貓，無啦啦揼落垃圾桶」「真係好殘忍，如果見到一定會阻止及報警」。麥同學亦指依平日觀察，大部分小巴乘客均為（塘頭埔村）居民，對事件感詑異。有附近村民則指，今日未見有警車岀入調查案件。