【Save Lily事件｜Save Lily香港｜Save Lily父母】非常父母曾先生及關小姐，其在香港出生、由社署接管的兩個多月大幼子Danny，昨日（21日）被緊急送院醫治，現時留醫東區醫院兒童病房。曾先生凌晨時稱Danny發燒或要做「脊柱刺穿手術」，今早（22日）他探病後更新情況，指Danny現情況好轉，已經退燒，暫不需要做手術。

曾先生認為人奶對BB的健康和抵抗力有很大的作用，惟社署沒有作相應的安排。被問及為何不帶兒子注射預防疫苗，他稱中西醫意見不一，打針效果因人而異，認為有健康生活便有抵抗力，能防止病毒入侵。

早上9時半左右，曾先生到東區醫院探病，他拿住早餐外賣和一個手拉車，在病房逗留片刻後向傳媒交代Danny的情況。他說：「Danny一見到我哋係面露笑容，好想要人奶，餵多次人奶之後發燒係減退咗，冇做手術。」

他引述醫生稱：「醫生話佢發燒，為安全起見，細路仔未能清晰表達，所以要透過各項檢查先知，例如係咪細菌入侵，定病毒，定係更嚴重嘅腦膜炎。𠵱家情況好轉，就未必要咁多嘅診斷。」而經醫生診斷，相信Danny是病毒入侵引致感冒，出現流鼻涕和發燒，暫時未知何時可以出院。

曾先生指人奶是給初生嬰兒最好的食物，可以提高抵抗力，減少病毒或細菌入侵，但何以不帶兒子注射預防疫苗，曾先生指稱諮詢過專業意見：「我哋問過中醫西醫，對預防性針藥未有一致意見，（效用）係要睇返Danny情況先決定到。一個人受唔受病毒感染，除了打針，自身健康、生活健康先有抵抗力，病毒就入侵唔到。」

他承認，醫生既沒有說，因為沒打預防針而容易患病，同樣地也沒有說，因為沒有飲人奶而容易患病：「係我哋見到，佢無人奶健康就每況愈下。我自己係物理治療師，見到佢手腳活動能力同個樣係差咗。」

▼曾先生及關小姐與Danny合照▼

他再次指出，根據聯合國《兒童權利公約》第12條，當局是要尊重Danny的意願。他指社署堅守3星期的調查時間表，「BB得兩個月大，要同父母分開3星期係好痛苦嘅經驗。正常一日餵七、八次人奶，但𠵱家一星期只得一日一小時先餵到，嚴重影響佢嘅健康。」

曾先生引用外國例子，指當局執行強制保護令時，可為相關家庭提供宿舍讓一家人同住之餘，又有社工監察；惟本港未有該些設施。曾說：「強制保護令係為了保護佢（兒童），但保護當中過度着重醫療需要，覺得我哋唔帶佢睇醫生，但最基本的需要其實係飲食，每日嘅需要，要畀到佢抵抗力。」他曾向社署反映，但資源未配合到。

關小姐補充，今日早上8時左右，Danny已經退燒：「自從我見到Danny仔，我畀返人奶佢，6個鐘頭，佢已經個燒係完全退晒...成個過程都係冇藥物治療，冇藥物介入過，我見到我照顧番Danny仔，佢有一個好明顯嘅分別。」

今日傍晚，關小姐繼續探望兒子，她指Danny有鼻塞、打噴嚏、流鼻水、咳嗽等感冒徵狀，幸體温已回復至36.5度，情況理想，但明白兒子如身體復原，將會返回收容所，無奈稱：「情願Danny一直留喺醫院，佢哋可以無間斷照顧Danny。」她指，Danny「笑少咗」，亦因十分年幼，盡量不用藥，目前仍需觀察情況，具體能出院時間仍未知。

亞洲兒童傳染病學會主席關日華醫生表示，強調「脊椎穿刺」屬於臨床上的恆常檢查，對於3個月以下、原因不明發燒的嬰孩而言，此檢查對排除致命的腦部感染（例如腦膜炎）至關重要。他呼籲，所有兒童照顧者應以嬰兒健康福祉為首要考慮，不應反對有助於斷症的醫療程序。另外，關日華指配方奶粉代替人奶完全無問題，家長毋須擔心嬰孩抵抗力會變差。