人生成功第一步:嚴選優質BB鞋仔專賣淘店

網購攻略
網購攻略
撰文:
最後更新日期:

上次小編就同大家介紹咗幾間既安全又靚仲好平嘅BB衫專賣淘店,今日我哋就將個焦點往下移。對於開始學行路嘅BB嚟講,今日嘅一小步,係BB將來成功嘅一大步,咁重要嘅事,梗係要認真對待喇,點可以求求其其落街見到咩就買咩呢?所以今日就承接上次,為大家講吓有邊幾間優質嘅專門賣BB鞋仔嘅熱門淘店喇。

1) 伢芽小童旗艦店

呢間店專賣0-4歲嘅鞋仔。小編一眼望埋去覺得有啲似IG賣波鞋嘅IG shop。點解咁講?因為佢每對鞋嘅相都係店主放喺同一個背照前面影。唔會話唔同鞋放喺唔同背景令你覺得佢靚,夠晒老實。加上佢啲鞋仔都係講緊幾十蚊上落,對比香港行商場見到嘅吓吓都要百幾二百蚊起跳,喺香港一對嘅價錢可以喺到買到4-5對,真係抵好多,所以就即刻收藏咗。

👉立即進店逛逛👈 

嬰兒涼鞋布鞋軟底防滑(原價¥79 特價¥39.8)

呢款涼鞋仔每月銷量去到15000對以上,咁受歡迎就知佢唔小嘢。第一印象就係覺得佢好可愛。不過買番嚟先感受佢嘅威力,佢嘅防滑底真係做得好好,小編囡囡著住佢行任何地方都未試過跣倒,做爸爸媽媽嘅帶佢出街就更加放心喇。對鞋仲好柔軟,唔會硬倔倔整到BB隻腳仔。價錢方面計落港幣都唔使50蚊,抵買到癲。

👉按此經「一網打盡」購買額外賺01積分👈

嬰兒不掉鞋春秋款(原價¥75 特價¥39.8)

有涼鞋仔,當然要有埋密頭鞋,始終唔係所有地方都咁乾淨。哩款密頭學行鞋仔基本上同上面嗰款涼鞋仔差不多,一樣咁防滑,一樣咁柔軟,連價錢都一模一樣。最好就係兩款都買一對,因應唔同情況畀BB着唔同鞋仔。

👉按此經「一網打盡」購買額外賺01積分👈

2)布拉米勒旗艦店

哩間店賣好多種小朋友鞋仔,學行鞋、拖鞋、涼鞋、雨靴、帆布鞋、居家拖鞋⋯⋯見種類咁豐富,加上成日店色彩好繽紛,二話不說就收藏咗。然後再仔細睇埋佢啲鞋款,好多都係以動物做主題,乎合晒小編囡囡嘅愛好,即刻又掃咗幾對番屋企上貢俾我個小公主。

👉立即進店逛逛👈

涼托鞋女童可愛小公主室內防滑軟底(原價¥55 特價¥26.8)

第一樣吸引我嘅就係哩對恐龍拖鞋仔。上面隻恐龍真係好得意,買咗番去囡囡都好鍾意。而且佢用雙面防滑設計,即係除咗鞋底,連鞋面都有防滑,咁就令爸爸媽媽雙重放心喇。雖然價錢好似貴咗少少,不過摸過上手就會覺得佢真係值哩個價。佢哩款哩仲有申請專利,絕對係高質產品。不過小編個人意見,有啲顏色款都幾奇怪,最靚都係佢封面嗰對粉紅色,如果係男仔着嘅就粉藍或者黑橙色,其他色真係不敢恭維。

👉按此經「一網打盡」購買額外賺01積分👈

兒童棉拖鞋冬季居家棉鞋包跟(原價¥56 特價¥26.8)

普遍香港人屋企都冇暖氣,所以冬天就算係屋企都幾凍。為咗唔好冷襯BB嘅腳仔,一對保暖嘅居家鞋就好必要喇。小編就大推哩款BB居家鞋,佢唔單止外觀似兔兔好得意,小朋友一定鍾意,功能性都做得好好。首先佢好輕,唔會對BB造成負擔。然後佢個底好軟,BB會踩得舒服。再嚟佢啲毛毛係用綿造,保暖一流。最後佢鞋根有用橡筋,BB點跑跳都唔會甩鞋,咁父母就唔使執餐死喇。所以雖然佢價錢唔係特別平,但都賣咗十幾萬對,絕對係值得買嘅優質品。

👉按此經「一網打盡」購買額外賺01積分👈

(產品資料以最新官方發佈為準)
(文章純屬作者個人意見,不代表香港01立場。)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。