家用電腦螢幕點樣揀? 選購小貼士+ $778高性價比電腦螢幕推薦

網購攻略
網購攻略
撰文:
最後更新日期:

市面上嘅電腦螢幕五花八門,單係尺寸已經有由22吋去32吋嘅選擇,解析度亦分Full HD、2K、4K多種,規格林林總總,若然對螢幕冇乜認識,相信選購時必定會覺得一頭霧水,無從入手。小編今次就先針對一般用途嘅家用電腦,醒大家一啲入手小貼士,再推薦一款性價比極高嘅電腦螢幕!如果大家最近正好要入手新螢幕,或者有砌機嘅打算,不妨考慮一下以下呢款!

想揀個啱用嘅電腦螢幕,第一步最好先由用途入手,例如係日常使用,定係打機用,抑或剪片執相用,用途唔同,需要嘅性能都大大不同,然後第二步就可以按預算再作決定。如果大家係日常使用,亦即係一般上下網,做下文書工作,煲下劇,玩下非3D嘅遊戲咁,建議大家唔需要太過糾結及執著於規格之上,可以將挑選重點放喺尺寸同預算,揀個規格中規中矩,價錢平嘅已經足夠應付一般日常需求。

至於點先為之適合嘅尺寸?當然並非越大就越好,而係要視乎座位同桌面之間嘅距離,一般香港家庭嘅電腦都會放得比較近,所以市面上主流都係以22至27吋為主,如果空間細而螢幕大,反而會睇得好吃力。再準確一啲,如果距離(桌深)大約有60cm至90cm,可以選擇返19吋至24吋1080P(Full HD)嘅螢幕;如果大少少有70cm至120cm,就可以揀27吋以上,配備2K或以上嘅螢幕。

根據以上兩點,小編就為大家揀咗以下呢款Acer螢幕,價錢相當經濟實惠,應付日常用途絕對綽綽有餘!

Acer 21.5" IPS 超薄邊框高清電腦螢幕 HK$778

Acer係全球第4大個人電腦品牌,性價比亦係一線牌子之中最高,今次推薦嘅電腦螢幕就絕對體現到呢一點喇!雖然尺寸只有21.5,但由於螢幕使用咗IPS面版,亦即係現今面版之中價位最高、可視角最大、色彩表現最佳嘅面版,用嚟上下網、做下文書絕對係綽綽有餘,如果平時會用嚟打機或者煲劇就更perfect喇。

呢款螢幕仲有一個特別之處,就係一個字——薄!一來機身厚度就只有6.6mm,比一部iphone仲要薄,二來邊框亦都只有1.5mm,令畫幅望上去更加寬闊。呢點對於於煲劇同打機嚟講尤其重要,因為幼薄嘅邊框令人難以察覺,可以減低睇片時視覺上嘅干擾。 至於其他規格,例如1080P解析度、4ms反應速度、72%NTSC色域等等,大致都符合一般常見嘅配備。雖然係比較中規中矩嘅規格,但以咁平嘅價錢就買到一個工作娛樂兩用嘅螢幕,可以話係非常超值,啱晒預算較低嘅用家!

🔻Acer IPS 超薄邊框高清電腦螢幕規格一覽🔻

+4
+3
+2

🔻Acer IPS 超薄邊框高清電腦螢幕價錢一覽🔻

*價錢更新至2019/12/28

(產品資料以官方最新發佈為準)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。