疫情去101次Staycation 呢間酒店安排驚喜 2孩媽媽:平貴我都去

撰文:鄧煥儀
出版:更新:

疫情下大家未能外遊,不少家長也帶同子女到酒店Staycation,共聚天倫。媽媽Elle Hana自疫情以來,曾因不同原因入住酒店過百次。她在接受訪問時表示,最愛探索不同價位、風格的酒店,究竟哪間酒店的服務最好、最抵玩?
(相片由受訪者提供)

體驗不同裝修間隔

媽媽Elle Hana育有兩名孩子,分別就讀幼稚園及初小。她分享,以往每逢生日或紀念日等特別日子,也會入住酒店慶祝,多選擇親子酒店,例如迪士尼酒店、黃金海岸酒店。

迪士尼探索家度假酒店 Disney Explorers Lodge $8700

+30

👉🏻👉🏻👉🏻👉🏻疫情下酒店都推出唔同特色的住宿計劃,呢間索價2萬蚊究竟有咩玩?:港島香格里拉推2萬元親子豪華Staycation 上山落海玩轉4日3夜👈🏻👈🏻👈🏻👈🏻

帝樂文娜公館 The Luxe Manor $2988 +10%

+23

2019年底,內地自由行旅客驟減,不少高級及大型酒店相繼推出各式優惠。「我家姐見優惠不錯,12月book了Rosewood staycation畀細女慶祝生日。酒店服務令我印象深刻,覺得可以探索多啲以前無諗過會住嘅酒店。加上疫情下小朋友停課,我覺得在家工作很嘈,便book酒店work from hotel,咁就開始搵適合嘅酒店工作和休閒。」

Little Tai Hang - The Corner House $797

+17

若到酒店是為了工作,她會選擇28小時以上的住房計劃。「最好包餐,交通方便,可以無憂工作;朋友歡聚就最緊要間房大,同埋有dining credit。如果係為本地遊,就睇下去邊區,然後揀酒店;親子遊就會著重酒店提供嘅活動。」她認為,Staycation的最大的樂趣是可體驗不同酒店的裝修風格,尤其是套房的間隔。

美荷樓 $310

+8

選擇酒店不論平貴

Elle Hana坦言,自2019年12月起,共去了101次Staycation,預算不會超過每人$3000。「花費其實我無乜點計,因為平貴酒店我都會去。比較貴嘅房,如果一家四口,或者幾個朋友一齊去,除開都係二千多元,包幾餐,食靚嘢住靚房,有得做Gym都真係抵。」

嘉賦酒店 Akvo Hotel $597

+15

問到哪次是最昂貴及最便宜的Staycation體驗?Elle Hana直言「好難計」。「有啲房價貴,但『零房價』又包入lounge,食靚嘢同埋住大房,例如九龍香格里拉、新世界千禧、朗廷,雖然人均用咗二千幾,但真係食返夠本,間房又大又靚,服務又好,計落其實超值。最平嘅美荷樓人均$150,但淨房唔包食,無服務,房又細,咁計返其實又好貴。」她補充,人均最貴的一次體驗是入住Rosewood瑰麗酒店。「人均超過$3000仲無包晚餐。」

The Fleming 芬名酒店 約$1300

+11

難忘酒店安排驚喜

帶孩子到酒店,難免會比較兒童服務。Elle Hana指,最貼心的是The Luxe Manor帝樂文娜公館。「因為職員會記得小賓客的名字,十分照顧,而且感覺到佢哋嘅投入同發自內心嘅服務,仲會主動安排意料之外嘅參觀。」

另一間令她留下深刻印象的酒店,是相對冷門的嘉賦酒店Akvo Hotel。「我只係一個book最便宜房間嘅客人,但因為寫咗篇文分享上Facebook group,無講自己名的,酒店trace到我,仲主動聯絡,覺得係用個心去對待自己的專業。」

她不時於社交平台分享Staycation經驗,發現冷門酒店的文章比熱門酒店的更「多like」,相信是因為大多人已曾到訪集團式酒店。「所以接下來我想去冷門得嚟有特色嘅酒店,亦可能會翻兜一啲去過嘅酒店,但試不同房型,例如我去過帝苑的普通房,但未住過天際套房;住過東九龍如心的套房和複式,但普通房未試過,又想體驗下。仲有幾間好想探索的,例如問月、181,但做緊指定檢疫酒店,唯有等下先。」

👉🏻👉🏻👉🏻👉🏻除了同小朋友去Staycation,仲可以去玩水消暑:海洋公園水上樂園9.21開幕 率先試玩八彩天梯 呢個方法買飛最平👈🏻👈🏻👈🏻👈🏻

+4
+9

按圖即睇5個區域分別有咩玩:

+10