【新喜劇之王】農夫配音爆Do姐惡到無人類可比 ︰星爺簡直係善良

撰文:
最後更新日期:

由周星馳編劇與執導的賀歲電影《新喜劇之王》將於大年初一上映,繼早前請來《喜劇之王》擔任「柳飄飄」的張柏芝配音後,星爺今次便請來農夫為新戲的角色聲演,陸永為劇中導演配音,而C君則為戲中的「馬可哥」。今日釋出的配音花絮中,三人有傾有講,言談之間大放笑彈之餘,更用埋星爺的經典對白,可謂轉數慢點都未夠格同佢咃傾偈。

農夫一見星爺親筆簽名的摺櫈,就話想要來珍藏。

Do姐惡到冇人類媲美
過去農夫多次跟鄭裕玲(Do姐)合作,今次面對出名嚴厲的星爺,他們反而笑說:「講惡的話係無人類可以同Do姐媲美,Do姐鬧過我哋無數次,更有唔同各種嘅形容,暫時星爺都無鬧過我哋。其實佢對我哋太仁慈,直頭係善良喇!」他們更難得正經分享從星爺身上的得着,C君:「星爺要求當然係高,不過佢會循循善誘,不斷問你意見『你會點講?』俾我哋自由發揮。」陸永則讚歎:「星爺喺錄音房出面示範,都會令我哋覺得係零舍唔同,而你係唔明點解同一句佢講好笑咁多,所以賺咗很好的經驗。」

C君自爆精警對白全部都係粗口,陸永則分享戲中一句對白「腎嚟㗎喎」,想知咩意思就要入戲院睇戲了。

眾所周知,農夫為人幽默搞笑,令觀眾都覺得兩人是因為喜劇細胞而被星爺睇中,不過他們卻自嘲自己有兩樣嘢好:「收得夠平同埋得閒,嚟緊幾年都無咩撈。」星爺聽畢也笑了一下:「嘩,啱晒喇。」其後C君再問星爺:「有無飯盒啊?」星爺回應:「無!」C君再回應:「咁就抵啦,即係折現啦!」星爺回上回:「仲想要飯盒啊?哇你真係啊。」不過陸永即說:「無飯盒唔緊要架!我唔食飯都得!」農夫跟星爺首次合作已一拍即合,星爺更大讚兩人:「佢地啲喜劇元素係不斷爆發。」似乎對兩人表現相當滿意,工作過後更大讚兩人「平靚正」。

【新喜劇之王】周星馳慧眼組女團 疾風少女出道:努力不會白費

星爺都大讚農夫「平靚正」!

背晒對白等星爺接
其實在三人短短交談之間,農夫已用了幾幕星爺的經典對白你來我往,例如片中陸永所說的「幾多對白?有無得發揮?」正是來自《喜劇之王》中,尹天仇所問︰「請問有幾多句對白呀?」和「錢銀都系其次啫,問題系演技有冇得發揮呢?」,而「人物角色性格時間地點係咩呢?」同樣是來自《喜劇之王》中尹天仇問場務吳孟達︰「人物性格、角色關繫、時代背景呢?」其後星爺跟農夫講到:「如果無咗你哋,我都唔知點算好。」C君就以來自《食神》中,史提芬周的對白︰「你知道收咗我大利市嘅咩?」回應星爺說:「我收咗你大利是㗎嘛!」即時令到星爺都低頭輕笑拍拍兩人膊頭。

+10
+9
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。