【女皇哥基大冒險】張彥博用狗仔Tone聲演三日:覺得自己變咗隻狗

撰文:
最後更新日期:

今日(17日)動畫片《女皇哥基大冒險》舉行首映禮,張彥博在當中聲演英國皇室中最得寵的哥基歷斯,他又分享這是第一次聲演電影,十分高興:「我之前睇人哋配音係手舞足蹈、好大Motion,原來真係需要自己變成嗰樣嘢先演繹到個角色。我今次係演隻狗,就真係幻想自己係隻狗。其實我都配咗差唔多三日時間,喺三日裡面都係用一個狗仔Tone去做,都覺得自己變咗隻狗。」

張彥博認為最特別的是學會怎樣運用自己的聲音;更認為自己與聲演的歷斯個性有點相像,有點調皮,連樣子也有點相似!(陳順禎攝)

其實配音工作,張彥博一直都想試。「細個時好鍾意玩公仔,跟住自己扮聲。然後我之前寄咗段聲畀電影公司,係一個人分飾四把聲,一個後生仔、有個妹、再加爸爸媽媽,砌咗個故事出嚟,導演陳心遙聽到覺得幾得意,又有啲卡通片元素,就搵咗我去做呢件事。」張彥博又分享自己超級鍾意寵物:「其實我有養貓,細個都有養過好幾隻狗,所以今次睇完劇本做功課嘅時候,諗返起好多以前同隻狗嘅回憶。」跟愛犬這些回憶亦幫助他在是次聲演上的發揮。

張彥博稱之前拍過不同的劇,今次第一次參與動畫配音,好像在自己人生的書上留下了一個篇章。(陳順禎攝)

說到第一次參與動畫配音,張彥博說:「我覺得好好玩,配音同拍劇其實都有啲相似,因為兩者都要入戲,但今次就要用把聲去演繹,變咗需要投放嘅情緒多咗。」問到到配音與戲劇兩者的比較,張彥博說:「Dramatic啲、聲線要放大啲,做戲可能Control比較細微,但配音見唔到樣得把聲,就要諗好多方法去令觀眾明白當時嘅感覺,其實同唱歌差唔多。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。