【追龍II賊王】林家棟監製作搞足3年終開拍 「唔想現場打四圈」

撰文:
最後更新日期:

林家棟昨晚(6月5日)出席《追龍II賊王》首映,能夠跟一眾《黑社會》演員再聚,拍攝時相當興奮。「雖然大家戲裏戲外身份都唔同晒,但過程是開心。相信觀眾都好期待將來我們可以再次集齊人,有埋林雪、張兆輝等,全世界再埋位拍部新作。」

三大影帝聯手,拍咩都咁勁呀!(葉志明 攝)

當完演員,又轉個身份,問問家棟監製的作品,早前透露有多個劇本在手,到底幾時開拍?家棟坦言近日已變成追數佬般,不斷向製作人員追劇本追批文。林家棟︰「有部講了兩年,剛剛拍完making of,問幾時上?等緊批文;上年已交劇本哪部呢?等緊批文;又有一部講兩個男人的電影呢?劇本就快完成!還有一部講本地小食呢?這個月尾會有!終於有部今年年底應該可以開到機,大大話話都講了3年。因為我要求比較高,不想為遷就演員檔期等原因,影響劇本質素,一定要傾好寫好才開拍,否則去到現場『打四圈』(圍埋修改劇本)便浪費製作時間,要大家滿意了劇本方向才行。」

林家棟監製的作品,終於有部可以年底開鏡︰「大大話話都講了3年。」(葉志明 攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。