【使徒行者2】古天樂變Tony Stark 高科技武器似史達工業出品?

撰文:
最後更新日期:

由樂易玲、劉偉強監製,文偉鴻導演,張家輝、古天樂、吳鎮宇主演的動作電影《使徒行者2諜影行動》,鐵定8月8日上畫,而終極預告亦已上架。三大影帝要聯手找出來自跨國恐怖分子組織中的潛伏臥底,但過程中卻產生不少衝突和矛盾。到底3位會用咩方法呢?其中古天樂似乎想以高科技幫手。

古天樂在戲中是警察,要負責偵查全球臥底案件。(《使徒行者2諜影行動》劇照)

跨國臥底組織
拍臥底故事仲可以有咩新鮮感?如果話個臥底集團唔止全港,係跨國規模會唔會太誇張?今次《使徒行者2》就講有怖分子組織,一直把臥底潛伏在世界各地不同國家的重要政府機構內,角色不只警察與罪犯,面對嚴重的恐怖襲擊和衝突時,他們更發揮一定作用。

在終極預告中,觀眾除了看到多場大型的恐怖襲擊事件和槍戰場面外,導演亦再次把卧底情義貫穿整部電影。總督察程滔(張家輝 飾)與保安部警司井進賢(古天樂 飾)在行動中多次發生矛盾,到底是卧底故意外露還是人心難測?刑事情報科(反恐)警司葉國帆(吳鎮宇 飾)又如何能夠找出真正的卧底?

呢句對白今日聽到真係另有一番滋味。(《使徒行者2諜影行動》預告片截圖)

3大設定似足Tony Stark
故事講搵臥底,但古天樂在造型上竟然似鐵甲奇俠的Tony Stark。除了一向的官仔骨骨,最緊要是副眼鏡,簡直係一睇就認得出處。

遙控炸彈
提起Iron Man,不少得會記得他用的高科技武器,在預告片中就見到有部私家車,旁邊可以發射連串的計時炸彈,而古仔亦只有手執盾牌撐住!邊個盾咁硬淨?係咪由美國隊長提供?

私人飛機代步
又除咗高科技,Tony Stark予人印象就係有錢,有大量嘅錢。所以在戲中見Tony坐飛機多過坐車,古仔亦一樣,今次仲請埋張家輝一齊坐,唔知機上有冇得整件蜘蛛衫?



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。