【使徒行者2】古天樂張家輝吳鎮宇繼續搵臥底 釘姐同歡喜哥呢？
撰文：許育民
出版：更新：
《使徒行者2：諜影行動》將於今年8月8日香港上畫，延續第一集的卡士，有張家輝、古天樂及吳鎮宇主演，原班人馬搵臥底，不過上集女主角釘姐佘詩曼就冇現身，改由內地演員姜珮瑤頂上。
預告片中，3位型男對望而坐，正等一個駁火機會。（預告截圖）
雖然是第2集，亦是原班人馬，不過製作單位就講是全新故事及人物設定發展，跟上集甚至電視劇都冇關係，所以電視版同電影版第一集女主角佘詩曼，都不會參與演出，並在內地女演員姜珮瑤以新角色演出。
劇組亦遠赴緬甸、西班牙多地取景拍攝進行實景拍攝。（預告截圖）
不過從演員名單可見，其餘大家關心的角色如歡喜哥（許紹雄 飾）就繼續有演，除此之外，早前公布會加盟的馬德鐘，將會飾演一哥角色。到底4大型男關係怎樣糾纏，邊個係正邊個係邪，真係要入場先知。
海報所見以3位型男排陣，下面正是西班牙奔牛節場面。（電影海報）
預告片逐格睇
+2