【Baby復仇記】陳靜睇過艷舞唔怕尷尬 王敏奕拍性感攝孕婦寫真

撰文:
最後更新日期:

《Baby復仇記》於今日正式上映,該片入入圍第 32 屆東京國際電影節「亞洲未來」單元,更被邀請為香港亞洲電影節 2019 閉幕作品,電影由本地新一代女導演陸以心執導,《逆流大叔》、《翠絲》 廖婉虹監製,金像獎最佳女配角陳靜(Dada)與朱鑑然主演,加上由余安安、張繼聰、王敏奕(Venus)、余香凝(Jennifer)、 麥芷誼(Koyi)、胡子彤、林家熙(Locker)及「肥腸」徐浩昌等人演出。

Venus、Jennifer及Koyi為Dada安排睇脫衣舞男表演。(電影公司提供)

《Baby 復仇記》道出「生仔」 從來都是一段夫妻要一起走過的非凡歷程,見證女生們由女孩子變成媽媽的銳變成長。而Dada、Venus、Jennifer及Koyi四位戲裡戲外閨蜜在拍攝途中笑料百出,其中一場講到Dada相約她們到澳門旅行放鬆,豈料三人卻為她安排了看男士艷舞表演。

四人不約而同笑言拍這場戲時既尷尬又興奮,Dada說:「我都有過類似所以都好少少,我有一年生日會一班女仔朋友請啲脫衣舞男表演,拍攝時都有諗返嗰陣情景都冇乜尷尬,反而係Venus、Jennifer、Koyi就好似好尷尬囉!」Jennifer則笑言:「我地喺化妝間時聽到啲男Dancers到時都好興奮,但點知一Roll機大家就勁尷尬,反差好好笑。」

Dada早就有睇過脫衣舞男表演。(電影公司提供)

除了結伴去看艷舞團外,Venus更有拍攝孕婦寫真的戲份,戲中長期戴上假肚的她表示:「一開頭覺得好玩,因為好真,但戴咗上身後覺得行路好辛苦,著鞋都要服裝幫手。一到現場化妝就戴,化妝食飯都唔除,到收工真係腰痛膝頭痛,大肚真係好辛苦,會明白孕婦點解燥底。」

Venus又大讚導演陸以心善於跟演員溝通,尤其是拍攝這場帶點性感的戲份上,她說:「得意經歷,導演事先有同我講呢場戲,我都覺幾好玩。我工作成日影相,但導演話今次唔想影到好靚,想拍到普通人第一次入Studio嗰種喜劇感,有啲難度,有啲事要錯錯地。事前我冇乜顧慮,導演好照顧演員感受,每一套衫去試都以演員舒服為主。」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。