麥路人|戲痴萬梓良拍打戲嘔戲都要真做 Do姐中招︰打到牙骹甩埋

撰文:劉希彤
出版:更新:

由黃慶勳執導,郭富城及楊千嬅主演的《麥路人》已經上映,飾演痴情漢「等伯」的實力派演員萬梓良一如以往再次演技大爆發。
提起萬子相信不少人都會想起誇張,他在過往的作品中很多演出都令人為之深刻,真實及獨特的演技甚至令拍檔以至導演都嚇怕。

現年63歲的萬梓良在《麥路人》有感人演出。(《麥路人》劇照)

現年63歲的萬梓良,因為患上糖尿病、痛風、膽固醇過高等病痛,所以大大減產。今次他在《麥路人》飾演痴情老伯,也發揮得淋漓盡致,每晚在快餐店只為等待她老婆的著急心情,演出動人。

郭富城更透露,因為戲中多場戲都是在晚上拍攝,所以萬子為適應夜間拍攝,悄悄停了一些藥,希望在拍戲時會比較精神,「我們事後才知情,對萬子的專業精神,很敬佩。」

+2

拍戲求效果用牛肉刀瘋狂剃頭

萬梓良在80至90年代拍過很多深入民心的經典劇集,例如《流氓大亨》、《他來自江湖》、《巨人》等。

2017年復出拍《今晚打喪屍》,與吳家麗在新片《今晚打喪屍》鬥。萬子當時提到自己是因為吳家麗才決定出山。其中一場戲,萬子為求效果,用牛肉刀瘋狂剃頭,吳家麗看到後立即入戲爆喊,演到幾乎虛脫,結果到導演嗌Cut,她的情緒還未平伏。

《今晚打喪屍》中,萬子的演出是全片其中一大亮點。(劇照)

嚇親對手及導演

據知萬梓良起初打算用真牛肉刀拍攝,專業到連導演都嚇怕,最後因為安全問題,才改用未開鋒的牛肉刀。其實萬梓良式的誇張演技,他敬業又認真地拍攝絕對是有跡可尋。

早在拍攝劇集1986年的《流氓大亨》就試過真打,打到吳啟華即時起咗個瘤,有份拍攝該劇的鄭裕玲(Do姐)曾經在電台分享拍攝的過程,「萬梓良係非常之認真,佢要一啲反應尤其是打人,佢希望係真反應。我記得那場戲在高等法院門口,嗰次所有女主角都齊晒,我、嘉玲、周海媚,仲有媚姐南紅姐,仲有一個叫吳啟華做奸角。萬子拎起一個垃圾桶一嘢車落吳啟華度,各位如果你係有睇就真係恭喜你,當時我哋係真反應,佢真係拎起嗰個道具垃圾桶車落吳啟華,嚇到我哋啲女人呢,尤其是媚姐,我哋捉都捉佢唔住,事後吳啟華即刻起咗個瘤。」

+11

吳啟華被打到發嬲

Do姐大爆吳啟華拍完場戲即時跳上車離開,他是生氣了,我們全都感到很驚訝。Do姐透露,自此之後大家都很驚,「即刻睇返啲劇本有無人要被萬子打,周海媚係做萬子個妹,但同吳啟華拍拖,後來被萬子知道咗就摑佢,大家就話你死喇!救你唔到。拍嗰場足足俾萬子打咗幾廿吓,面都紅晒。」

吳啟華拍完場戲即時跳上車離開。(網上圖片)

通宵親自寫經典獨腳戲

萬子除了出名誇張,重視演出的真實感,他亦很認真。《流氓大亨》的結尾是很多人心中的經典,原來那場長達7分鐘的「獨腳戲」,萬梓良飾演的方謹昌,對病牀上陷入昏迷的宋楚翹(鄭裕玲 飾)訴說心聲是出自萬子手筆。

後生時的萬梓良。(微博圖片)

Do姐憶述「有次收工時已經凌晨兩點,我就緊係返屋企瞓覺,佢就開夜車寫劇本寫到天光。但我都唔係好過,佢六點幾就打俾我,問我可唔可以早啲返?咁我(在戲中)其實暈鬼咗喺度㗎喇,無反應,佢話可唔可以聽佢做一次,要返去清水灣。」本來Do姐想在電話聽萬子講,但對方拒絕,堅持要現場聽一次。

「他聲淚俱下,演得好好,好彩佢俾我現場聽一次,如果在現場才第一次聽,我真係會喊,但我昏迷㗎嘛唔可以有聲。嗰場一開全場靜晒,無人夠膽有聲,連打燈平時好嘈都無聲,佢喺度蘊釀情緒,我就最好喇,喺度瞓渣嘛,真係瞓著咗。突然之間有個人好大聲咁『So What!』,我就知拍緊,成場戲頂多take 2就得咗。」

萬梓良借酒澆愁,醉意唔似演戲。(網上圖片)

萬子對嘔戲有特別研究

除了吳啟華、周海媚試過被萬子拍戲時真打,萬子對真嘔更是有一套獨有的演出方法。他曾經在《流氓大亨》劇情講到他面臨革職借酒消愁,在宋楚翹(鄭裕玲 飾)家中訴苦,最後他似乎真的飲醉,坐在梳發上嘔,超真實的演出令人佩服。

萬子又試過在《他來自江湖》裡,開拍前講明在什麼時間嘔,沒想到萬子真的就在那時間嘔出來,令星爺都讚他專業。

+2

曾江都是「受害者」

而曾經與萬子在1987年拍劇集《生命之旅》合作的吳岱融,也曾在電台上爆對方真的好專業,連拍嘔吐戲也要真做,「佢喺出面原來食咗啲好軟嘅公仔麵,跟住又隊啲奶啊定乜嘢,總之就撑到脹晒,仲飲埋啤酒,跟住一入嚟講兩句,就準備真的嘔出來。」吳岱融話他從此偷師,試過萬梓良這招,真的嘔得出個效果。

1987年的電視劇《生命之旅》。(網上圖片)

Do姐亦大爆與萬子拍劇,曾江都做過「受害者」,「我們3個在尖東拍外景,我知佢(萬梓良)要嘔㗎喇,佢已經係隊緊麵㗎喇,我行出門口仲唔企開啲,但係曾江未領過嘢啊嘛,一嘔,嘔咗喺佢套西裝度,嬲咗成晚啊。」

Do姐與萬子合作多次,她也曾經「受罪」。(電視畫面)

「牙骹都甩埋」

與萬子合作多次,Do姐當然也試過被對方真打,「我唔知係拍《生命之旅》定《流氓大亨》,佢要摑我一巴,我死喇,我拎住個劇本人都震埋。個導演同我講唔使驚,個鏡頭係會打爆個畫面,你塊面會爆晒個畫面,咁隻手離開四吋打過去咪得。我咪即刻通知萬子,佢同我講︰『唔得㗎Dodo,我隻手一定要喺呢度打下去,如果唔係,唔會有真實反應。』」結果,Do姐心想他為了套戲,你不能反駁他,「結果我被打到牙骹都甩埋呀,唔係講笑,塊面紅晒。」

呢位演員被打到流鼻血

有指萬子在拍《生命之旅》時,有場戲王書麒被萬梓良掌摑,Do姐與吳岱融在旁看到,當日王書麒被打到流鼻血,「片場好靜,啪一聲迴嚮在另一個廠」被打得好慘。

+6